Quapropter nostris clericis, scilicet domno
Riccardo
archidiacono nostro et domno
Ursino
nostro archipresbitero et domno
Guilielmo
et domno
Vito
et ceteris nos rogantibus quo domum aliquam in terra nostra dioceseos in sancto cenobio
Sancte Trinitatis de Cava
que sita est in loco
Mitiliani
, in qua domnus
Falco
nunc abbas preest, concederemus ut fratres eiusdem sancti predicti cenobiy ex hac transeuntes seu redeuntes in illa haberent hospitium, nos
Iohannes
Dei gratia
Grumentane
sedis episcopus illorum orationibus annuentes una(m?) cum ipsis predictis concedimus ecclesie
Sancte Trinitatis de Cava
nostrorum predecessorum animarum redemptione et anime nostre nostrorumque posterorum remediys animarum ecclesiam
Sancti Petri
Tramutule
cum omnibus tenutis suis et possessionibus, casis videlicet, vineis, terris, arboribus fructiferis et infructiferis, montibus, silivis, aquis et cum stabilibus et mobilibus omnibus pertinentibus sibi, ut amodo in antea sit in potestate domni
Falconis
eiusdem sancte predicte ecclesie venerabilis abbatis et successorum suorum eam regere, gubernare et ordinare et quicquid ad eorum libitum placuerit faciendi ex ea, sine nostra seu successorum nostrorum contrarietate. Eo tenore videlicet ut per unumquemque annum in festivitate natalis Domini censum ab eis nostre matri ecclesie episcopiy
Marsicy
solvantur libra una cere et libra una incensi et porcus unus, et dum fuerit nobis opus bestie nostre et successorum nostrorum atque voluntas nostri ibidem receptentur. Et ut omni tempore hec nostra concessio remotione qualibet vel refragitione nostri seu successorum nostrorum vel cuiuslibet hominis secura permaneat, eidem sancte predicte ecclesie, cum ecclesia nostri episcopiy advocato
Rogerio
baculi traditione legali hoc firmamus edicto, manibus domni
Iohannis
Marsicy
eiusdem ecclesie
Sancte Trinitatis
monachi et cappellani eiusdem domni
Falconis
predicti sancti cenobiy venerandi abbatis recepta cum tunc suo advocato
Guilielmo
Gualteriy
filio de civitate
Marsicy
. Quicumque interea huius nostre concessionis traditionis refragator seu temerator extiterit adversaries excomunicationis vinculo se sciat esse plectendum nisi resipuerit, observator autem benedictionis divine gratie et vivifice crucis nostra propria manu subscripsimus anno dominice incarnationis millesimo centesimo quadragesimo quarto, mense madio, indictione septima.