Si regnantis gloriam dona clarificant, que largitur, ea tamen sunt que perpetuitate temporis apud Regem regum clariora redduntur que pia consideratione impeduntur liberaliter ministris eius. Cum enim pia nostre mentis intencio opera nobis suadeat pietatis et ad id precipue voti nostri summa se porrigat ut retribuamus aliquis Domino pro omnibus que retribuit ipse nobis. Scire quippe volumus universos quod cum tu
Balsame venerabilis abbas
Cavensis
monasterii fidelis noster ad nostram nuper accedens presenciam celsitudini nostre humiliter supplicares, ut monasterium ipsum, te, monachos et successores tuos omniaque bona ipsius monasterii sub nostra protectione recipere dignaremur, castrumque
Cilenti
cum omnibus suis casalibus et castrum
Sancti Adiutoris
, terram
Cavee
cum suis suburbis, vassallos quos habes in
Roccapimontis
et pertinenciis eius et in
Nuceria Christianorum
et pertinenciis eius, casale
Sancti Petri
de
Paterno
, casale
Sancti Petri
de
Olivola
, casale
Sancti Stephani et Sancte Marie
de
Iuncarico
, casale
Sancti Iacobi
de
Luceria
, casale
Sancti Egidii
de
Pratogargano
, casale
Sancti Iohannis
de
Fabrica
,
Casale Ruptum
, Casale
Sancte Marie
de
Rota
, casale
Churizosimi
, casale de
Tramutulo
, casale
Sancti Blasii
de
Salvia
, casale
Sancti Marzani
, casale
Sancti Arsenii
, casale
Sancti Petri
de
Polla
, casale
Sancte Marie
de
Pertusia
, casale
Sancte Barbare
de
Grasso
, casale
Tusciani
, casale
Sancte Barbare
de
Capuacio
, homines morantes in
Sancto Patro
ad
Columpnellum
et in
Sancto Nicolao
ad
Mercatellum
, casale quos dicitur de
Monacho
situm in territorio
Petralie
et omnia alia dona felicium regum predecessorum nostrorum ac principum eidem monasterio collata necnon dona et oblationes aliorum
Christi
fidelium, concedere, eximere et confirmare de nostra liberalitate eidem monasterio dinaremur, sicut olim fecerat rex
Guilielmus II
felicis recordationis, consobrinus noster. Nos vero, qui ad exequendum opera pietatis predecessorum nostrorum libenter inheremus exemplis, attendentes etiam vitam et conversationem laudabilem, honesteque religionis cultum, quibus floret et semper claruit monasterium ipsum, necnon fidem puram et devocionem sinceram quam tu abbas erga maiestatem nostram semper illibatam habuisti, advertentes etiam grata satis et accepta servicia que dudum exhibuisti nostre celsitudini indefesse et que in antea exhibere poteris graciora, considerantes insuper quod monasterium ipsum est opus progenitorum nostrorum et nostra camera specialis et ut tuis ac fratrum tuorum sanctis apud Deum oracionibus adiuvemur, nostre salutis intuitu et pro remedio animarum divorum augustorum parentum nostrorum, tuis iustis postulationibus benignum prebentes assensum, te, monachos eiusdem monasterii, successores tuos ac monasterium ipsum cum omnibus bonis suis ecclesiasticis et mundanis sub protectione nostra recipimus speciali, confirmantes ipsi cenobio in perpetuum omnia privilegia vel instrumenta felicium regum ac principum predecessorum nostrorum aliorumque
Christi
fidelium, omnes obediencias, castra, casalia omnia supradicta, possessiones, homines redditus et universa alia bona stabilia ac mobilia que idem monasterium largicionibus regum ac principum predecessorum nostrorum oblacionibus vel donis fidelium et quibuscumque aliis iustis titulis est adeptum et que in futurum iuste poterit adipisci, eximentes castra casalia et homines ipsius monasterii ad omni iugo servitutis vel adoamenti, sive de demanio sive de pheudis fuerint, homines quoque ipsorum locorum cum vassallis nostri demanii seu aliorum dominorum in nullo, preterquam in generalibus subvencionibus communicent, et hoc demtaxat in locis in quibus talia communiter solvere usi sint, eademque libertate et gratia perfruantur qua pociuntur alii in quorum territoriis moram trahunt. Si quis autem tam de demanio nostro quam aliunde tuus vel dicti monasterii voluerit vassallus fieri pro remedio anime nostre parentumque nostrorum concedimus ut facere hoc possit absque cuiuslibet contradictione, cuiuscumque condiocionis extiterit, nisi servus fuerit seu alii ad personalia servicia astrictus, et ut tu predicte abbas super hiis munificentie nostre gustes favoralibilibus ubertatem que in tui predicti monasterii perpetuetur augmentum, de innata nobis clemencia confirmamus tibi et eidem
Cavensi
monasterio accipere libere plateaticum in castello tuo
Cilenti
et in portubus
Fontis
et
Veteris
ac in omnibus aliis portubus tuis, tam ab hominibus tuis quam ab aliis de his omnibus que vendi ibi contigerit vel emi, sicut in privilegiis donacionis ipsorum portuum facte plenius continetur, que in nostra curia tu, venerabilis abbas, ut autentica presentasti, et idem monasterium taliter ipsos portus usque nunc pacifice possidere tam per instrumenta predicta quam per testes ydoneos nostre iamdicte curie constare fecisti. De habundatiori quoque nostra gratia concedimus et confirmamus eidem monasterio, tibi et successoribus tuis monachis et hominibus tuis in perpetuum omnes dignitates, bonos usus et approbatas consuetudines quibus predecessores tui, idem monasterium ac homines ipsius, temporibus ipsorum regum felicium usi sunt et idem sacrum cenobium ab omni plateatico, portulatico, herbatico, ripatico atque ab omni exitura fundici seu duane perpetuo per totum predictum regnum
Sicilie
penitus sit immune. Mandantes ut sibi super hiis nulle de cetero molestie vel gravamina inferantur. Si vero aliquis contra hanc vestram temere venire presumpserit libertatem imperiali nostre camere uncias auri centum quinquaginta componere teneatur, prefata libertate vestra et gratia in suo nihilominus robore duratura.
Ad huius igitur concessionis exempcionis, protectionis et confirmationis nostre memoriam et robur perpetuo valiturum, presens privilegium per manus
Iacobi
de
Cathania
nostarii et fidelis nostri scribi et sigillo maiestatis nostre iussimus communiri, anno mense et indictione subscriptis.
Datum
Salerni
post curiam
Capue
celebratam anno dominice incarnacionis millesimo ducentesimo vicesimo primo, mense februario, none indictionis, regnante domino nostro
Friderico
Dei gratia illustrissimo
Romanorum
imperatore semper augusto et rege
Sicilie
, imperii eius anno primo, regni vero
Sicilie
anno terciodecimo, feliciter, amen.