In nomine Domini Dei eterni et salvatoris nostri
Iesu Christi
. Anno ab incarnatione eius millesimo centesimo nonagesimo quinto, et quinto anno inperii domini
Henrici
Dei gratia
Romanorum
inperatoris et regis
Sicilie
semper augustus, mense aprilis, terciadecima indictionis.
Nos
Guillelmus
divina favente clementia comes
Principatus
, domini
Henrici
similiter comitis de
Principatu
heres et quondam filius, pro remissione peccatorum nostrorum et salute anime predicti patris nostri per huius privilegii paginam concedimus et confirmamus in ecclesia
Sancti Blasii
que sita est in tenimento civitatis nostre
Satriani
homines, criptam, yscam planam et omnes possessiones et universa tenimenta que tenuit et possedit tempore domini regis
Guillielmi
felicis memorie et tempore patris nostri domini comitis
Henrici
felicis recordationis. Ea videlicet ratione ut
Cavense
monasterium et pars eius omnia suprascripta sua potestate teneat et dominetur et de eis quod voluerit iusta ratione faciat, absque contrarietate nostra et heredum nostrorum et cuiuslibet partis nostre reipuplice. Si vero aliqua nobis subiecta persona contra hanc nostre concessionis et confirmationis cartulam venire aut agere temptaverit vel eam quolibet modo infringere quesiverit, centum aureorum penam incurrat, medietatem ipsius compositionis prefato monasterio tribuendam, alteram medietatem nostre camere applicandam. Ad perpetuam igitur memoriam et prescripti monasterii firmitatem hanc paginam tibi
Nicolao
notario fideli nostro scribere precepimus et sigilli nostri impressione bulla cerea precepimus insigniri eamque tibi fratri
Guillelmo de Guardia
suprascripte ecclesie priori venerabili iussimus assignari.