Etsi omnia caduca sunt hominum et temporum diuturnitate labantur, sunt tamen ex hominibus aliqua perpetue stabilitati connexa, illa videlicet, que divinis addita cultibus hereditatis dei funiculum inter homines ampliant, tunc precipue, cum loca venerabilia, in quibus placens domino sectatur hospitalitatis militia, regalis protectionis favore muniunt et eis monimenta, que vetustas non diluat, votive liberalitatis indulgent.