Regni gubernaculum et diadema nos ad hoc divino munere cognoscimur suscepisse, ut integritate pacis et iustitie per omnia custodita per nos potissimus, auctore Deo, status ecclesiarum tam in temporalibus quam in spiritualibus congrua suscipiat incrementa. Cum igitur universis ecclesiis regni nobis a Deo commissi id regie sollicitudinis benivolentia debeamus, illis tamen locis atque personis, que vel amplioris religionis gratia eminent vel nostro sacro palatio loci vicinitate iunguntur, propensiori nos studio caritatis convenit providere.