(c. 250v) In nomine domini nostri Iesu Christi. Anno eius nativitatis millesimo tricentesimo sexagesimo tertio, regnante domina nostra Ioanna Dei gratia Hierusalem et Sicilie regina, ducatus Apulie et principatus Capue , Provincie et Forcalquerii ac Pedimontis comitissa, regnorum vero eius anno vicesimo primo feliciter amen, die sexto mensis augusti prime inditionis, apud Potentiam .

Nos Iacobus Strambus de Potentia annalis iudex ditte terre Potentie , Angelus de Bonopari puplicus eiusdem terre Potentie notarius et testes subscripti ad hoc specialiter vocati et rogati, presenti scripto puplico notumfacimus et testando fatemur quod constituti in nostri presentia Antonius de Balba de Potentia , ex parte una, et domnus Demetrius de Gratioso, clericus maioris ecclesie Potentine , prepositus ditte ecclesie, ex parte altera, predittus Antonius non vi, dolo, metu nec aliqua suasione duttus immo sua bona, libera et gratuita voluntate, ut asserit, dedit, tradidit et assignavit titulo donationis inrevocabiliter inter vivos eidem domino Demetrio preposito, ut supra nomine et pro parte ditte maioris ecclesie Potentine recipienti et stipulanti, vineam suam sitam in tenimento Potentie , in contrata // (c. 251r) Valbitelli , cuius iscle idem Antonius dixit stare fines: ab una parte superiori a quodam aquali in semine idem Antonii de Balba mediante ditto aquali, a secunda parte est flumen ditti Balbitelli , a tertia parte inferiori tenent heredes condam Nicolai de Lauda mediante quadam parianea et si qui alii sunt confines, pro luminariis, pro anima condam patris sui et sua. Tali modo: quod idem Antonius et heredes sui possint portare et ducere aquarum cursum per dittam terram donatam pro luminariis ad alias terras suas quando opus fuerit ipsi Antonio et suis heredibus. Quapropter predittus Antonius eidem domino Demetrio preposito, nomine et pro parte ditte ecclesie Potentine , dedit et tradidit liberam, plenariam et omnimodam potestatem tenendi, possidendi, permutandi nec non et quocumque modo voluerit alienandi, nomine et pro parte ditte ecclesie; promittens idem Antonius per se, successoresque heredes eidem domno Demetrio preposito, nomine quo supra, stipulanti, litem vel controversiam ipsi preposito et ditte ecclesie nomine quo supra legitime stipulanti litem vel controversiam ipsi domno Demetrio preposito, nomine quo supra, et ditte ecclesie Potentine ullo unquam tempore non inferre nec inferenti consentire, immo ipsam isclam tam in proprietate // (c. 251v) quam in po(ssession)e ab omni homine legitime defendere, antestare et disbrigare et predittam donationem et omnia et singula supraditta et infrascripta perpetuo firma, rata habere ac tenere et non contrafacere vel venire per se, alium vel alios, aliqua causa vel ingenio, de iure vel de fatto, in iudicio vel extra iudicium, sub pena unciarum auri quinque, medietate ipsius pene reginali curie et reliqua medietate ditto preposito, nomine quo supra, ‹applicanda, me predicto notario publico pro parte ipsius curie ac dicto emptori et procuratori ut supra, nomine // quo supra› penam ipsam legitime et solemniter stipulantibus. Qua pena soluta vel non soluta supraditta omnia et singula inperpetuum perdurent et ‹promisit dictus venditor› observare et quolibet ‹sic› premissorum facere ab omnibus observari. Et ad maiorem cautelam, idem Antonius venditor in manibus ditti prepositi nomine quo supra ad santa Dei evangelia corporaliter per eum tatta iuravit supraditta omnia et singula inperpetuum observare et quolibet ‹sic› premissorum facere ab omnibus observari.

Così S qui e nel regesto, di seguito isca Così S per hos esse Così S per ? eiusdem Così S qui, sotto pananea Così S qui, sotto e in docc. coevi Cumbus Si tratta molto verosimilmente della località Gallitello e del torrente omonimo; nei documenti del XIV secolo la G maiuscola e la B sono spesso confondibili ed è inoltre probabile che la seconda L, legando a destra con la L, possa essere stata confusa con una B.

Et taliter ego idem Angelus de Bonopari puplicus Potentie notarius hoc presens puplicum instrumentum scripsi quia predittis omnibus rogatus interfui et meo solito signo signavi; quod autem superius ubi legitur «quadam pananea» et si qui idem ubi legitur «perducunt», item ubi legitur «Antonius» abrasum et interlineatum // (c. 252r) est per manus mei qui supra notarii, non vitio sed errore, unde pro autentico habeatur ut supra. (SN) † Ego Iacobus Cumbus iudex civitatis Potentie qui supra † Ego magister Tadeus de Aymolino interfui testis † Ego Gualterius de Lacupensuli de Potentia interfui † Ego Nucius Sparius de Corneto testis sum † Ego Gabriel Strambus testis interfui

Così S qui, in docc. coevi Amelino