(c. 236r) In nomine domini nostri Iesu Christi amen. Anno eius nativitate millesimo tricesimo quinquagesimo tertio, regnantibus dominis nostris domino Lodovico et domina Iohanna Dei gratia Hierusalem et Sicilie rege et regina, ducatus Apulie et principatus Capue , Provincie et Forcalquerii ac Pedimontis comitibus, regnorum vero eorum ditti domini regis anno quinto et affate domine nostre regine anno undecimo feliciter amen, die quartodecimo mensis aprilis, sexte inditionis, apud civitatem Potentie

Nos Tomasius de David olim in anno nuper elapso quinte inditionis iudex civitatis Potentie in defettu aliorum iudicum nondum in ditta civitate pro presenti anno sexte indictionis per curiam creatorum, Angelus de Bono Pari puplicus eiusdem civitatis notarius et testes subscripti inlitterati et litterati ad hoc specialiter vocati et rogati, presenti scripto publico instrumento notumfacimus atque testamur quod constituti in nostri presentia Nicolaus de Attareno , donna Ducata mulier, uxor eius, et Ioannottus de Attareno de Potentia , mero iure Romano viventes sicut ceteri homines et mulieres ditte civitatis Potentie ab antiquo vixerunt et vivunt, vendiderunt, tradiderunt et per fustem assignaverunt iure proprio et imperpetuum Nicolao de Girardo de eadem terra Potentie , ibidem presenti et recipienti pro se et suis heredibus et successoribus, subscriptas duas petias terrarum; videlicet: petiam unam terre sitam in tenimento Potentie in contrata de Pasto , cuius hoc dixerunt esse confines: a duabus partibus sunt vie puplice, a tertia parte inferiori et posteriori predittorum; item petiam unam aliam terre sitam in eodem tenimento, in contrata Pontis , his finibus circumdata: cuius a duabus partibus // (c. 236v) ‹tenent› ditti venditores mediante via puplica, de tertia parte tenet ecclesia Santi Girardi , a quarta parte est strata puplica et si qui alii sunt confines. Has autem petias duas terrarum qualibet sunt prescriptis finibus circumdatas per designata latera, una cum omnibus accessionibis et ingressionibus suis preditti venditores eidem emptori vendiderunt et tradiderunt, ut dittum est, pro unciis duabus et tarenis sex in hanc argenti, sexaginta per unciam computatis ponderis generalis, quam quidem pecuniam preditti venditores fuerunt confexi et contenti se a ditto emptore presentialiter et manualiter recepisse et habuisse nomine pretii supraditti, totum silicet pretium venditionis ipsius; renuntiantes expresse ditti venditores exceptioni non numerate pecunie, non ponderati et eletti argenti et omni alii iuris et legum auxilio per quod posset ditta confexio seu venditio retrattari ac huius scripti tenor posset in aliquo minui vel infringi. Quapropter ditti venditores dederunt et tradiderunt tam eidem emptori quam heredibus suis liberam, plenariam et omnimodam potestatem tenendi, possidendi, vendendi, donandi, permutandi nec non et quocumque modo ‹voluerint› alienandi petias duas terrarum supradittas cum omnibus iuribus, accessionibus et ingressionibus suis; promittentes insuper preditti venditores eidem emptori pro se suisque heredibus ‹sic› eidem emptori pro se suisque heredibus, litem vel controversiam ipsi emptori suisque heredibus nullo unquam tempore non inferre nec inferenti consentire, immo dittas petias duas terrarum tam in proprietate quam in potestate ab omni homine legitime defendere, // (c. 237r) antestare et disbrigare et predittam venditionem, omnia et singula subscripta et infrascripta perpetuo firma, rata habere et tenere et non contrafacere vel venire, per se vel alium aut alios, aliqua causa vel ingenio, de iure vel de fatto, in iudicio vel extra iudicium, sub pena dupli ditte pecunie quantitatis, medietate ipsius pene regie et reginali curie et reliqua medietate ditto emptori vel heredibus suis si secus inde fatta fieret applicanda, me preditto notario puplico pro parte ipsius curie et ditto emptore pro se et suisque heredibus legitime et solemniter stipulantibus. Qua pena soluta vel non, supraditta omnia et singula in suo robore perdurent; insuper dittus Ioannes venditor dixit se esse maiorem quatuordecim annis et suo sacramento firmavit et ad maiorem cautelam preditti venditores in manibus ditti emptoris ad santa Dei Evangelia corporaliter per eos libro tatto iuraverunt supraditta omnia et singula inperpetuum observare et quodlibet premissorum facere ab omnibus observari.

Così S qui, nel regesto Astarano, in docc. coevi Actareno Così S per Pasci Salto non segnalato in S Così S, con segno abbreviativo, per carlenis Così S qui, nel regesto Astarano, in docc. coevi Actareno

Et taliter ego idem Angelus de Bonopari puplicus Potentie notarius hoc presens puplicum instrumentum de mandato contrahentium exinde fattum est per manus mei qui supra Angeli de Bonopari puplici civitatis Potentie notarii quia predittis omnibus rogatus interfui et meo solito signo signavi . † Ego Tomasius de Ditto iudex Potentie qui supra † Ego diaconus Martinus de notario Andrea testis interfui † Ego presbiter Augustus de Anatrono testis interfui † Ego presbiter Matheus de Ogerio testis interfui † Ego presbiter Angelus de Miclatrano testis interfui † Ego presbiter Angelus de Pantaleo testis interfui † Signum crucis proprie manus magisti Andrea de Alfano testis scribere nescientis

Così S, periodo poco coeso Così S per David Così S, in docc. coevi Millarano