(c. 142r) In nomine sancte ac individue Trinitatis amen. Anno ab incarnatione millesimo ducentesimo septimo, mense aprelis, decime indictionis, regnante domino nostro Frederico Dei gratia excellentissimo rege Sicilie , ducatus Apuleę et principatus Capue , nono anno regni eius feliciter amen.

A dominice incarnac(ionis)

In presentia bonorum hominum et subscriptorum testium nos Saracina et Alexander , de civitate Potentie , vendimus et tradimus tibi Petro de Saxo civi et habitatori Potentie , unam nostram vineolam et terrulam sitam in contrata Caure , hiis finibus circumdatam: ab oriente rivus, a meridie tenet Robertus de Satiis , ab occidente tenet Girardus de Scam(m)utia et a septentrione tenet Io(s)settus de Vineola . Hanc autem vineolam et terrulam qualiter sunt hiis prescriptis finibus circumdatas per designata latera quatuor, una cum omnibus accessionibus et ingressionibus suis tibi dicto Petro vendimus et tradimus insolutum pro quatuor solidis, quos ‹iam› a te recepimus nomine totius pretii. Quapropter damus et tradimus tam tibi prenominato Petro quam tuis heredibus liberam et omnimodam potestatem tenendi, possidendi, vendendi, donandi, permutandi nec non et quocumque modo volueritis alienandi predictam vineolam et terrulam. Insuper repromictimus tibi et heredibus tuis defendere et guarentire contra omnes homines qui te vel tuos heredes molestare vel inquietare temptaverint supra dictam vineolam et terrulam more iudiciorum. Et si nos prenominati mater et filius vel nostri heredes aut aliquis per nos vel nostros heredes super te vel super tuos heredes venire temptaverimus vel eam deinceps aliquo modo calumniati fuerimus seu per quodlibet (c. 142v) ingenium repetere vel subtrahere vobis quesierimus aut defendere et guarentire eam vobis ab omnibus hominibus, ut supradictum est, voluerimus more iudiciorum, debeamus componere viginti regales aureos ‹nomine pene›, medietatem tibi et heredibus tuis et alteram medietatem regali curie, venditione prefata rata perpetuo permanente. Preterea guadiam tibi dedimus et fideiussorem de evictione posuimus Rogerium de presbitero Perro ; ad maiorem cauthelam iuravit dictus Alexander , presente dicta Saracina matre eius, super Sancta Dei Evangelia comuniter presentem venditionem per se aut per supradictam personam se nunquam venire , sed ipsa omni tempore inviolabilem observare .

A e Pellettieri Taure; trattasi molto probabilmente del toponimo Tora, in una variante grafica con il dittongo, come suggerisce la presenza di un rivus tra i confini A Satriano A Sancta Maria A Iohannes A de predicta vineola et terrula A noluerimus A Ricc(ardo) A contra A subpiectam A ventur(us) A conservatur(us)

Et taliter ego Salustius puplicus Potentie notarius hoc instrumentum scripsi quia interfui. (SN) Signum manus Iohannis de Barabario qui interfuit Signum manus magistri Mathei Caldaratii qui interfuit Signum manus Andreę Caldaratii qui interfuit Signum manus magistri Gorii qui interfuit

A Baraiano A Calderarii A Calderarii A Coni