(c. 339v) Anno dominice incarnationis millesimo tricentesimo trigesimo quarto, regnante domino nostro Roberto Dei gratia Hierusalem et Sicilie rege, ducatus Apulie et principatus Capue , Provincie et Forcalquerii ac Pedimontis comite, regnorum vero eius anno vigesimo sexto feliciter amen, die sextodecimo mensis madii, secunde inditionis, apud civitatem Potentie .

Nos Nicolaus de iudice Paulo iudex ditte civitatis Potentie , Angelus de Bonopari publicus eiusdem civitatis notarius et testes subscripti ad hoc specialiter vocati et rogati, presenti scripto puplico notumfacimus et testamur quod constitutus in nostri presentia Bertoldus de Offiza , civis et habitator ditte civitatis // (c. 340r) Potentie , vendidit, tradidit et per fustem assignavit magistro Leonardo Pellipparo , habitatori eiusdem civitatis Potentie , ibidem presenti, pro se et suis heredibus ementi et recipienti, subnominatas possessiones, videlicet domum unam sitam in ditta civitate Potentie , in parrochia Santi Michaelis , hiis finibus circumdatam: ab una parte tenet maior ecclesia Potentina , mediante muro comuni; a secunda parte tenet ditta ecclesia Santi Michaelis , mediante quintana vicinali; a tertia parte sunt menia ditte civitatis et si qui alii sunt confines. Item petiam unam terarrum, sitam in tenimento ditte civitatis Potentie , in contrata Mali Coarcarii , hiis finibus circumdatam: ab una parte tenet ecclesia Santi Girardi , mediante vallono; a secunda parte tenent Nicolaus de Perio Fahono , Philippus de Cuccaro et Andreas de Gratiano , mediante sepe comuni, et Andreas de Lacupensuli , mediante limite comuni; a quarta parte tenent idem Bertoldus venditor, mediante sepe, Henricus Carcarellus et ecclesia Santi Elye , maioris ecclesie Potentie et si qui alii sunt confines. Has autem domum et petiam terre predittas, qualiter sunt prescriptis finibus circumdatas per designata latera, una cum omnibus accessionibus et ingressionibus suis, idem venditor eidem emptori vendidit et tradidit, ut dittum est, pro unciis autem quatuor ponderis generalis, quas quidem uncias quatuor auri predittus Vernardus venditor fuit confexus et contentus a ditto magistro magistro Leonardo emptore se recepisse // (c. 340v) et integraliter habuisse, nomine pretii supraditti, totum silicet pretium venditionis ipsius, renuntians expresse idem venditor eidem emptori exceptioni non numerate pecunie, non ponderati et eletti argenti ac omni alii iuris et legum auxilio per quod posset ditta confexio seu venditio retrattari ac huius scripti tenor posset in aliquo minui vel infringi. Quapropter predittus venditor dedit et tradidit tam ditto emptori quam heredibus suis, liberam et omnimodam potestatem tenendi, possidendi, locandi, vendendi, donandi, permutandi, necnon et quocumque modo voluerint alienandi domum et petiam terre predittas. Promittens insuper dittus venditor ‹per se et suos heredes› eidem emptori et heredibus suis, pro se et heredibus suis legitime stipulanti, litem vel questionemn ipsi emptori vel heredibus suis de dittis domo et petia terre ullo tempore non inferre nec inferenti consentire, sed ipsas domum et petiam terre predittas tam in proprietate quam in possessione ab omni homine legitime defendere, authorizare et disbrigare et predittam venditionem et omnia et singula suprascripta et infrascripta perpetuo firma, rata habere et tenere et non contrafacere vel venire, per se nec per alium, aliqua causa vel ratione, de iure vel de fatto, in iudicio vel extra iudicium, sub pena unciarum auri quatuor, medietatem ipsius pene reginali curie si secus inde fieret applicandam et reliquam medietatem ipsi emptori vel heredibus suis, ‹me predicto notario puplico pro parte ipsius curie ac dicto emptore pro se et heredibus suis› penam // (c. 341r) ipsam legitime et solemniter stipulantibus; et pena soluta vel non soluta, preditta omnia et singula in suo robore perseverent et ad maiorem cautelam predittus venditor eidem emptori ad santa Dei evangelia, corporaliter per eum libro tatto, iuravit preditta omnia et singula observare et quodlibet premissorum et facere ab omnibus observari. Insuper predittus venditor posuit penes eundem emptorem fideiubsorem de evitione magistrum Iulianum de Oppido de preditta terra Potentie , ibidem presentem et dittam fideiubsionem in se sponte suscipientem ‹et voluntarie›.

A Officza A Pellipario A Varcarii A Perro A Tarcarellus A auri A Bertholdus A perdurent A auri

Et taliter ego idem Angelus de Bonopari publicus Potentie notarius, hoc presens publicum instrumentum venditionis de mandato contrahentium predittorum scripsi quia predittis omnibus rogatus interfui et meo solito signo signavi; quod ‹autem› superius, in prima linea, ubi legitur «tricesimo», interlineatum et emendatum est per manus mei qui supra notarii, non vitio sed errore et pro authentico habeatur, unde ut supra. (SN) † Ego Nicolaus de iudice Paulo iudex civitatis Potentie qui supra † Ego presbiter Iacobus de Piscitella interfui † Ego presbiter Leonardus de Tranhedo interfui Ego presbiter Iacobus de Iubo testis interfui † Ego Nicolaus de Helia testis interfui

A Trachedo A Rubo