(c. 83r) Anno dominice incarnationis millesimo tricentesimo undecimo, regnante domino nostro Roberto Dei gratia gloriosissimo Hierusalem et Sicilie rege, ducatus Apuleę et principatus Capue , Provincie et Forcalquerii , Pedimontis comes ‹sic›, regnorum eius anno tertio feliciter amen, die duodecimo novembris, Xe ind(ictioni)sc, apud Potentiam .

A terciodecimo

In presentia Simonis de Iudice olim in anno proximo preterito 9e c indictionis regii civitatis Potentie iudicis, in defectu aliorum iudicum nondum in eadem terra pro predicto presenti anno Xe indictionis per regiam curiam creatorum, Bernardi de Connestabulo puplici eiusdem civitatis notarii et testium subscriptorum ad hoc specialiter vocatorum et rogatorum, ego presbiter Angelus de Gaudiano, archipresbiter ecclesie Sancti Michaelis de Potentia , cum consensu et voluntate // (c. 83v) omnium clericorum eiusdem ecclesie Sancti Michaelis , videlicet: presbiteri Iohannis de Basa , presbiteri Palmerii de Officio , presbiteri Angeli Scarani , diaconi Manfredi de sire Pascali , diaconi Nicolai Russi , diaconi Nicolai Fisi , diaconi Girardi de Melfio , diaconi Laurentii de Offizzo , diaconi Iacobi Pisanelle , diaconi Madii de Patalo et diaconi Angeli de Capacia ibidem presentium, ut moris est, ad hoc specialiter congregatorum in domo mayoris ecclesie Potentine , de licentia et autoritate mihi tradita et concessa in subscripta permutatione a discretis viris magistro Petro de Madio, archidiacono Potentino et presbitero Guillelmo de Guerriero , archipresbitero dicte mayoris ecclesie Potentine , reverendi patris domini Io(hann)is Gulielmi venerabilis episcopi Potentini in spiritualibus et temporalibus generalibus vicariis, tam pro me ipso et meis successoribus ac nomine et pro parte dicte ecclesie dicti Sancti Michaelis et dictorum clericorum, trado et permuto dicto presbitero Iacobo de Elsa , clerico dicte ecclesie Sancti Michaelis recipienti, petiam unam terre sitam in tenimento Potentie in contrata Mandaroli , hiis finibus circumdatam: ab uno latere tenet dicta ecclesia Sancti Michaelis mediante vallone; a secundo et tertio latere tenes tu idem presbiter presbiter Iacobus de Elsia , a quarto latere tenent heredes Rogerii de Capatia et si qui alii sunt confines. Hanc autem petiam terre, prescriptis finibus circumdatam per dessignata latera quatuor, una cum omnibus accessionibus et ingressionibus suis tibi dicto presbitero Iacobo de licentia et autoritate qua supra, presentibus et consentientibus et ratum habentibus dictis clericis nomine et pro parte dicte ecclesie Sancti Michaelis trado et permuto ut // (c. 85r) dictum est; pro qua petia terre nomine et pro parte dicte ecclesie Sancti Michaelis et clericorum ipsorum recepi a te dico presbitero Iacobo ortum unum situm in eodem tenimento Potentie , in contrada Sancti Iacobi , hiis finibus circumdatum: ab uno latere tenet Iohanne Turturella mediante sulco, a secundo et tertio latere superius et inferius sunt vie puplice et a quarto latere tenet Girardus de Iodia . Hunc autem ortum prescriptis finibus circumdatum per designata latera quatuor, una cum omnibus accessionibus et ingressionibus suis tu predictus presbiter Iacobus m(ih)i, nomine et pro parte dicte ecclesie Sancti Michaelis et clericorum recipienti, eodem modo in cambium tradidisti et permutavisti, cum presens permutatio dicte ecclesie Sancti Michaelis ad utilitatem cedit multiplicem et profectam; ut hoc verum esse dicti clerici ipsius ecclesie in verbo veritatis et fidei affirmarunt et eorum testimonio ‹hoc› habetur. Quapropter nomine et pro parte quo supra do et trado tam tibi dicto presbitero Iacobo quam heredibus tuis, liberam et omnimodam potestatem tenendi et possidendi, vendendi, dandi, permutandi nec non et quocumque modo volueritis alienandi petiam terre predicte, insuper repromicto tibi, nomine et pro parte quo supra, et heredibus tuis ‹ipsum› eam defendere et guarentire contra omnes homines qui te vel heredes tuos de dicta petia terre molestare vel inquietare tentaverint more iudiciorum, et tam ego vel dicti clerici aut successores nostrum vel aliquis per nos vel per successores nostros vel propter ipsius ecclesie contra te vel contra tuos heredes de dicta petia terre aliquo tempore venerimus vel eam vobis deinceps calum/niati fuerimus seu per quodlibet ingenium eam a vobis repetere vel subtrahere quesierimus aut eam vobis defendere et guarentire // (c. 84v) ab omnibus hominibus, ut supra dictum est, noluerimus more iudiciorum, debeamus conponere augustales aurei viginti nomine pene, medietatem tibi vel tuis heredibus et reliquam medietatem curie competenti [te] dicto presbitero Iacobo pro te et tuis heredibus et dicto notario puplico penam eandem legitime stipulantibus, permutantem predicta rata nichilominus perpetuo permanente. Pro quibus omnibus observandis firmiter obligamus omnia bona dicte ecclesie proinde tibi et heredibus tuis, preterea guadiam tibi dedi pro terra predicta.

A Rosa qui e in seguito A Officzo qui e in seguito A Piscitelle qui e in seguito A choro A Guerreiro qui e in seguito A fratris A Elzia qui e in seguito A Mendaroli A Iohannes de Turturella A Fodra A si A pro parte A permutatione A Pantaleo

Et taliter ego qui supra Bernardus de Conestabulo puplicus dicte civitatis Potentie notarius hoc instrumentum permutationis ad rogatum et requisitionem dictorum contrahentium scripsi quia predictis interfui et meo signo signavi. (SN) Ego Simon olim in anno proxime preterite none indictionis regius Potentie in defectu aliorum iudicum nondum in eadem terra per curiam creatorum ut supra Ego Petrus de Madio archidiaconus Potentinus ac reverendi patris domini fratris Guillelmi episcopi Potentini in spiritualibus et temporalibus vicaarius generalis predicte permutationi autoritate mihi commissa consensi et me subscripsi Ego Guillelmus de Guerra archipresbiter Potentinus ac reverendi patris domini fratris Guillelmi episcopi Potentini in spiritualibus et temporalibus vicarius generalis predicte permutationi autoritate mihi commissa consensi et me subscripsi Signum manus Angeli de Gaudiano, archipresbiteri ecclesie Sancti Michaelis qui supra voluit, consensit et ratum habuit Signum manus presbiteri Iohannis de Rosa qui supra voluit, consensit et ratum habuit // (c. 85r) Signum manus presbiteri Palmerii de Offiza qui supra voluit, consensit et ratum habuit Signum manus diaconi Nicolai Nicolai de Fisio qui supra voluit, consensit et ratum habuit Ego diaconus Manfridus de sire Pascali qui supra volui, consensi et ratum habui Signum manus diaconi Nicolai de Altimodio qui supra voluit, consensit et ratum habuit Ego subdiaconus Girardus qui supra volui, consensi et ratum habui Ego [su]b[dia]conus Madius de Pantacento qui supra volui, consensi et ratum habui Signum manus subdiaconi Iacobi de Pixitella qui supra voluit, consensit et ratum habuit Signum manus subdiaconi Laurentii de Offiza qui supra voluit, consensit et ratum habuit Signum manus subdiaconi Angeli de Capacia qui supra voluit consensit et ratum habuit Ego presbiter Nicolaus de Cantore Pot(entinus) interfui

A Pantaleone A cantor