2. Instrumentum venditionis di Corresio de Nigulo in favore di Giovanni Barda Donatella Gerardi transcription by mark-up by Donatella Gerardi main editor Fulvio Delle Donne BUP - Basilicata University Press Potenza 2025 Attribution-NonCommercial-ShareAlike 4.0 International (CC BY-NC-SA 4.0) ASNa, Regia Camera della Sommaria, Diversi, 1a numerazione, Dip. Somm., I, 309, n. 4bis, cc. 81v-82r, n. 26 [S]. !-Instr

Corresio de Nig‹u›lo vende a Giovanni Barda una terra sita ad Pantanum , al prezzo di mezza oncia d’oro, stabilendo una pena di venti ‹regali› in caso di violazione di quanto stabilito, da parte sua e dei suoi eredi, nonché nominando quale fideiussore de guarentigia Michele Bancario.

1201-10

(c. 81v) In nomine sancte et individue Trinitatis amen. Anno Dominice incarnationis millesimo ducentesimo primo, mense octobris, quinte indictionis, regnante domino nostro Federico Dei gratia rege Sicilie , ducatus Apuleę et principatus Capue , anno quarto regni eius feliciter amen.

In presentia Philippi iudicis Potentie et subscriptorum testium ego Corresius de Nig‹u›lo vendo et trado tibi Iohanni Barde terram unam sitam ad Pantanum , his finibus circumdatam: ab oriente tenet Alexius de Potentina ; a meridie tenet Nicolaus de Rollando ; ab occidente et à septemtrione tenes tu idem Iohannes Barda . Hanc vero terram qualiter est finibus circumdatam per designata latera quatuor, una cum omnibus accessionibus et ingressionibus suis tibi dicto Iohanni Barde vendo et trado; pro qua terra recepi à te dimidiam unciam auri nomine pretii. Quapropter do et trado tam tibi quam heredibus tuis liberam et omnimodam potestatem tenendi, possidendi, vendendi, donandi, permutandi et quocumque modo volueritis alienandi predictam terram. Insuper repromicto tibi et heredibus tuis defendere et guarentire contra omnes homines qui te vel heredes tuos de predicta terra molestare vel inquietare temptaverint more iudiciorum. Et si // (c. 82r) ego prefatus Corresius vel mei heredes vel aliquis per me vel per meos heredes super te vel super tuos heredes venire temptaverimus, vel eam aliquo modo deinceps calupniati fuerimus se‹u per quod›libet ingenium repente vel subtrahere vobis quesierimus aut defendere et guarentire eam ab omnibus hominibus, ut supra dictum est, voluerimus more iudiciorum, debeamus componere viginti galios aureos nomine pene, medietatem tibi et heredibus tuis et aliam medietatem regali curie, venditione pred(ict)a rata perpetuo permanente. Preterea guadiam tibi dedi et fideiussorem de guarenticia posui Michaelem Bancarium .

In S spazio in bianco tra G e LO per significare difficoltà di lettura del trascrittore Così S per repetere Così S per noluerimus Così S per regales

Et taliter ego Guillelmus puplicus Potentie notarius hoc instrumentum scripsi et interfui Ego iudex Philippus Potentie ut supra Signum manus Roberti de Porta qui interfuit testis Signum manus Guillelmi de Ioseph qui interfuit testis Signum manus Michaelis Bancarii qui est fideiussor de guarenticia Signum manus Austini qui interfuit testis