(c. 30v) In nomine domini nostri Iesu Christi amen. Anno nativitatis ipsius millesimo quadricentesimo sexsagesimo ‹sic› quarto, regnante serenissimo et illustrissimo domino nostro domino Ferdinando Dei gratia rege Sicilie , Hierusalem et Hungarie , regnorum suorum anno septimo feliciter amen, die vigesimo primo mensis ottobris, tertie decime indittionis, in civitate Potentie .

Nos Iacobus Canillus de Potentia et ipsius civitatis Potentie pro presenti anno tertie decime indittionis preditte annalis ydiota iudex, Mattheus de Sacco // (c. 31r) de Potentia puplicus ubilibet et per totum regnum Sicilie reginali autoritate notarius et testes subscripti ad hoc specialiter vocati et rogati, presenti scripto puplico donationis instrumento fatemur, notumfacimus et testamur quod eodem die eiusdem ibidem coram nobis eisdem et in nostri presentia presentibus et personaliter constitutis Antonello notarii Andreę alias Porc[a]rio de Potentia , agente pro se et suis heredibus et successoribus singularibus et universalibus, parte ex una, et venerabilibus do(n)no Antonello Baculi de Potentia , archidiacono Potentino , et do(n)no Baldassarre Mordente de Potentia archipresbitero et canonico ecclesie Santi Gerardi civitatis eiusdem, agentibus nomine et pro parte venerabilis ecclesie Santi Gerardi preditti ‹et› hnus successorum singularium et universalium, parte ex altera, prefatus vero Antonellus asseruit coram nobis, ipsis archidiacono et archipresbitero presentibus, audientibus et intelligentibus quo supra nomine, se ipsum per se seu alium vel alios habere, tenere iusto titulo et bona fide possidere seu ad se spettare et pertinere, iure et successione maternis, medietatem subscriptatum terrarum que fuerunt quondam Gemme de Matera matris sue, sitarum in territorio civitatis Potentie , in pertinentiis Rivisti , confinatarum ut dixit iuxta viam qua itur in Petragallam , ubi dicitur Fontana Ochiani , versus vero vallem Matrazonem , iuxta terras Santi Francisci civitatis eiusdem et Mariani de Ingamulo viam ‹sic› puplica mediante, versus Podium donni Comini , iuxta terras ecclesie Sante Trinitatis civitatis eiusdem limite mediante, iuxta terras quondam donni Nicolai notarii Andreę alias Testi Grossi et alios (con)fines, si qui sunt. Qui quidem Antonellus , gerens et habens // (c. 31v) devotionem erga ecclesiam predittam Santi Gerardi quia suos in eadem habet tumulatos et est ipsius ecclesie parrochianus et aliis ex causis ad infra(scri)ttam donationem ips(u)m inducentibus iustis rationibus, ut dixit, igitur non vi, dolo malo, metu ad id induttus, ut dixit, nec aliquibus suasionibus circumventus, sed eius pura, mera, bona, spontanea et gratuita voluntate, propter devotionem predittam in nostri quorum supra iudicis, notarii et testium presentia sollempniter et legitime cum omne iuris et sic sollempnitate cedendo eisdem archidiacono et presbitero quo supra nomine recipientibus omnia iura et acciones reales et personales, utiles et direttas, que et quas habet vel habere poterat in preditta medietate terrarum predittarum, donavit donationis titulo inrevocabiliter inter vivos, per fustem tradittionis traddidit et assignavit iure proprio et inperpetuum eisdem archidiacono et presbitero ibidem presentibus, recipientibus quo supra nomine ab eodem Antonello donatore medietatem suam predittarum terrarum sibi spettantem et pertinentem, ut supra, francham, liberam et exemptam ab omni onere servitii , redditus sive census, cum viis, introytibus et exitibus suis ad ipsius medietatem terrarum predittarum rette intrandi et exeundi et cum omnibus iuribus et pertinentiis suis eiusdem terre seu medietate preditte spettantibus et pertinentibus, quoquomodo et ‹cum› integro statu suo, prout constitit et constare consuevit, ad habendum, tenendum, possidendum, vendendum, permutandum, donandum, faciendum et disponendum de ipsa medietate terrarum predittarum et in ea // (c. 32r) quicquid donatariis quo supra nomine et eiusdem ecclesie successoribus et possessoribus visum erit melius et placebit, tamquam de re propria preditte ecclesie Santi Gerardi , q(uonia)m prefatus donator nil sibi et suis heredibus et successoribus retinuit, nec quomodolibet reservavit in preditta medietate terrarum et suis iuribus et rationibus, ut superius donata. Quam quidem donationem, tradditionem et assignationem et cessionem sic omnia et singula supraditta et in presenti instrumento contenta, idem Antonellus donator per stipulationem legitimam et sollempnem predittis archidiacono et presbitero quo supra nomine presentibus, recipientibus et stipulantibus semper et omni tempore ratam, gratam et firmam ac rata, grata et firma habere, tenere promisit, attendere, sic teneatur, et inviolabiliter observare et contra non facere, dicere, opponere vel venire, de iure vel de fatto, in iudicio sive extra iudicium, aliqua ratione vel causa, modo, ingenio sive trattatu, puplice vel occulte, per se vel per alium seu alios eius nomine, sub ob(ligati)one sui ipsius heredum et successorum suorum ac omnium et singulorum bonorum suorum mobilium et stabilium se seque moventium, presentium et futurorum ubique siste(n)ciu(m) et decetero extiturorum, cuiuscumque vocaboli appellatione distintorum et pena unciarum auri quatuor, medietate ipsius pene, si eam (con)mitti contingat, regie curie vel alie cuicumque curie ubi exinde fatta fuerit reclamatio seu querela et altera medietate pene eiusdem ditte ecclesie // (c. 32v) seu dittis donatariis eiusdem ecclesie nomine et ipsius ecclesie successoribus persolvenda, totiens quotiens fuerit exinde quomodolibet conventum , me preditto notario tamquam persona puplica pro parte ditte curie et dittis donatariis quo supra nomine a ditto Antonello donatore presenti sollempniter et legitime penam ipsam stipulantibus. Qua (con)missa vel non (con)missa, soluta vel non soluta, exatta vel non exatta aut gratiose remissa, presens nichilominus instrumentum cum omnibus in eo contentis in suo semper robore et efficacia perseveret, rato manente patto cum refettione et integra restitutione omnium dannorum interesse et expensarum litis et ex(tra) litem que fierent propterea quoquomodo, de quibus stari et credi debeat assertioni cum iuramento t(antu)m dittorum donatorum quo supra nomine et ipsius ecclesie successorum, nulla alia probatione quesita, itaque redduci non posse ad arbitrium boni viri, nec exinde quomodolibet appellari seu aliter reclamari. Et renuntiavit dittus Antonellus donator voluntarie et expresse, pro cautela ditte ecclesie, dittis donatariis quo supra nomine presentibus, recipientibus et stipulantibus super predittis et quolibet predittorum ex certa sua scientia expresse exceptioni doli mali, vis, metus et in fattum, rei alio modo geste que ‹sic› ut superius et inferius continetur et est expressum, beneficium restitutionis in integrum, exceptioni non h(abe)nt(is) d(itte) devoce(n)is et dittorum tumulorum suorum in ditta ecclesia non existentium, exceptioni ditte donationis non fatte realiter et non secut(e) modo preditto et assignationis et tradditionis medietatis dittarum terrarum, legi dicenti donationem ultra ducentos aureos seu quingentos sine insinuatione fattam non valere propter ingratitudinis vitium ‹et› revocari posse, licteris, privilegiis, cedulis, rescriptis quibuslibet in contrarium impetratis // (c. 33r) vel impetrandis omnibusque aliis iuribus, exceptionibus, allegationibus, defensionibus iuris et fatti iurique dicenti generalem renuntiationem non valere et iuri per quod cavetur quod ditto iuri renuntiari non posse, quibus auxiliantibus donator sive sui heredes et successores preditta omnia seu ipsorum aliquod posset infringere seu quomodolibet annullare; certioratus prius, ut dixit, predittus donator de iuribus ipsis ac beneficiis et effettibus eorumdem ‹ante›q(ua)m renuntiaret eisdem. Et ‹pro› predittis omnibus firmiter attendendis, adimplendis et inviolabiliter observandis quodque preditta omnia et eorum singula vera sint, in nullo unquam recallent , dittus donator predittis archidiacono et archipresbitero quo supra nomine presentibus recipientibus, coram nobis tattis litteris corporalem prestitit ad sancta Dei Evangelia iuramentum et f[ui]t fattum infra contrahentes eosdem de predittis, pro cautela ditte ecclesie, quod si in presenti contrattu aliqua iuris vel fatti sollempnitatis deficeret quod tantu(m) expresse intelligatur in eo et totiens corrigi, refici, emendari possit quotiescumque opus erit ad sensum sapientis eligendi nomine et pro parte ditte ecclesie desuper veniat ad lucidam formam, veritatis substantia non mutata. Unde ad futuram memoriam et ditti Antonelli donatoris preces et dittorum archidiaconi et archipresbiteri quo supra nomine donatariorum cautelam seu ipsius ecclesie et eiusdem ecclesie successorum ac omnium et quorum et cuius inde interest et interesse poterit certitudinem, fattum est de predittis hoc presens donationis instrumentum per manus mei preditti notarii, signo meo solito signatum, mei etiam et iudicis et nostrorum sub(script)orum testium subscriptionibus et subsigna//tionibus (c. 33v) roboratum.

Così S per eius Così S per Rivisci Così S qui, altrove Madragone Così S per omni iuris et fatti Così S per servitutis Così S per et Così S per contraventum Così S per devocionis Così S per tumulatorum Così S per vacillent Così S per actum Così S per sollempnitate Così S per tacite Così S per donec Così S qui, in docc. precedenti de Barulo

Quod scripsi ego idem Mattheus puplicus ut supra notarius qui premissis omnibus vocatus interfui et rogatus interfui ipsumque meo signo consueto signavi. (SN) Signum crucis proprie manus mei preditti Iacobi qui interfui pro iudice ut supra scribere nescientis Ego don(n)us Clericus Zappa de Potentia testis sum Ego notarius Antonellus Arcerius de Tito testis interfui et me subscrissi Ego Paulus de Must(u)lo de Neapoli testis sum Ego Franciscus de Ycto de Gayeta testis sum