145. Litterae exsecutoriae di Roberto, abate di S. Angelo del Bosco Donatella Gerardi mark-up by transcription by Donatella Gerardi main editor Fulvio Delle Donne BUP - Basilicata University Press Potenza 2025 Attribution-NonCommercial-ShareAlike 4.0 International (CC BY-NC-SA 4.0) ASNa, Regia Camera della Sommaria, Diversi, 1a numerazione, Dip. Somm., I, 309, n. 4bis, cc. 100r-102v, n. 38 [S]. Originale: Napoli, Biblioteca della Società Napoletana di Storia Patria, Diplomatico, Pergamene del Fondo Fusco, (25-Potenza), segn. 10 BB I n. 35 [A]. Pedìo, Cod. Dipl. Potent., p. 152 n. XXXIV; Id., Cod. e cart. Potentino, pp. 346; Messina, Storie di carta, storie di pietra, p. 68; Monasticon Italiae III, p. 178 n. 5. !-Instr

Roberto, abate del monastero di S. Angelo del Bosco, agendo in qualità di esecutore deputato dalla Sede apostolica, in attuazione di un mandato indirizzatogli da papa Eugenio IV, verifica, consultando i documenti e acquisendo informazioni in merito, che le terre dette Leschya grande della strada, nel territorio della città di Potenza, solitamente conferite a titolo di beneficio perpetuo a chierici secolari, dopo la morte di Antonio de Lacupensuli (loro ultimo rettore) sono state effettivamente donate alla chiesa di S. Michele dal vescovo di Potenza Giacomo ‹Squaquera›, pertanto procede all’approvazione e alla conferma di detta donazione, la cui rendita non supera il valore di sessanta fiorini l’anno.

 1440-04-15

(c. 100r) Nos frater Robertus umilis abbas Sancti Angeli de Bosco , Potentine diocesis, executor a Sede apostolica deputatus ad infrascripta

notumfacimus per presentes qualiter per venerabiles archipresbiterum et capitulum ecclesie Sancti Michaelis civitatis Potentie nobis presentate fuerunt licteras sanctissimi in Christo patris domini nostri domini Eugenii divina providentia pape IIIIti, eius vera et consueta bulla plumbea cum filo canapis pendente munitas, non viciatas, non cancellatas, nec in aliqua sui parte suspectas, quas, ut decuit, cum debita reverentia umiliter // (c. 100v) supra caput recepimus. Quarum tenor per omnia talis est: (si veda doc. n. 144). Post quarum quidem licterarum presentationem et receptionem, dicti archipresbiter et capitulum a nobis cum instantia postularunt ut ad exequtionem predicti apostolici mandati nobis in hac parte directi procedere deberemus. // (c. 102r) Nos itaque executor prefatus, habita informatione sufficienti super omnibus in dictis licteris contentis, volentis mandatis apostolicis nobis in hac parte directis humiliter obedire, ut tenemur, auctoritate apostolica nobis in hac parte commissa diligenter inquisivimus et invenimus dictas terras Leschya grande della strata nuncupatas, contentas in dicta bulla apostolica, sitas in territorio dicte civitatis Potentie solitas dari in titulum perpetui beneficii clericis secularibus, vacantes per obitum quondam Antonii de Lacupensuli ac et(iam) reperimus donationem, concessionem et applicationem factam per reverendissimum in Christo patrem et dominum Iacobum episcopum Potentinum dictarum terrarum eidem ecclesie Sancti Michaelis esse veram prout in licteris pontificalibus predicti domini episcopi latius continetur ac etiam nobis constat, sicut prefati archipresbiter et capitulum possiderunt de continuo dictas terras post concessionem predicti domini episcopi eidem ecclesie Sancti Michaelis factam ac de presenti tenent et possident tanquam alia bona dicte ecclesie ac etiam plenarie nobis constat quod illarum terrarum duodecim et dicte ecclesie sexaginta florenorum auri fructus, redditus et proventus secundum comunem extimationem valorem annuum non excedunt. Et hec et omnia alia in dictis licteris apostolicis contenta inquisivimus diligenter et reperimus esse vera iuxta tenorem ipsarum licterarum apostolicarum. Ideoque auctoritate apostolica supradicta approbamus et confirmamus predictam donationem, concessionem et applicationem factam per eundem dominum episcopum ac etiam eadem autoritate supplemus omnes defectus siqui forsitan fuissent // (c. 102v) in eisdem licteris domini episcopi. Quare ad futuram memoriam et perpetuam cautelam dicte ecclesie Sancti Michaelis fieri fecimus has presentes licteras nostro sigillo quo utimur ac propria subscriptione munitas.

A volentes A fuisset

Datum Potentie XV° mensis aprelis, tertie indictionis, 1440, pontificatus prefati sanctissimi domini nostri domini Eugenii divina providentia pape IIIIti anno vero eius X°. Nos frater Robertus abbas executor ut supra omnia predicta fatemur Ego donnus Nicolaus de Porta archipresbiter predicte ecclesie Sancti Michaelis interfui Signum donni Nicolai de Martino presbiter dicte ecclesie Ego donnus Pannuntius de Quatuor Oculis presbiter dicte ecclesie interfui Ego donnus Angelus Porcacius presbiter dicte ecclesie interfui Ego donnus Loysius Porcatius presbiter dicte ecclesie interfui Ego donnus Nicolaus de Gnimo presbiter dicte ecclesie interfui Ego donnus Antonellus Sacchinitto presbiter dicte ecclesie interfui Ego donnus Angelus Grossus presbiter dicte ecclesie interfui Ego donnus Angelus de Mazarella presbiter dicte ecclesie interfui Ego diaconus Iacobus de Bira diaconus dicte ecclesie interfui Ego diaconus Paulus de Zampa diaconus dicte ecclesie interfui Ego Ioannes scriba scribsi

A Ioanicius A Porcarius A Grumo A Sachi Ructo A Maczarella A Ferrera A Zampria