† In nomine domini domini nostri Iesu Cristi, amen. Anno a nativitate ipsius millesimo quatricentesimo tricesimo septimo, regnante serenissimo et illustrissimo domino domino nostro Regnato , Dei gratia Ierusalem et Sicilie ac Andegavie , Bari et Loderingie duce, Provincie , Pontis marchione et Cenomanie comite, regnorum vero eius anno tercio, feliciter, amen, die vicesimo mensis novembris, prime indictionis, apud civitatem Potencie .

Nos Mathia Cappellus de Potencia annalis iudex civitatis Potencie , notarius Thomasius Strambus de Potencia puplicus ubilibet per provincias Principatus citra et ultra Serras Serras Montorii , Capitinate et Basilicate regia auctoritate notarius et subscripti testes ad hoc specialiter vocati et rogati presenti scripto puplico instrumenti donacionis fatemur atque testamur quod in nostri presencia personaliter constitutus Iacobus Philippi de Picerno Nicolai Angeli , civis civitatis Potencie , non vi, dolo, metus ductus, nec aliquibus monicionibus circumventus, sed sua libera et mera voluntate, ut asseruit, considerans vitam humanam esse incertam pro eo videlicet quod vita labitur dum speratur et quod nichil est mortis certius nichilque incertius ora mortis, volens sibi cautius providere et nec quod absit decedere intestatus et quod diu secum deliberans quod cunta transitoria pereunt et ea que solum modo anime proficiunt et fructificant ad salutem, que piis locis et ecclesiis devote et fideliter erogantur, quinimo ad devotionem et devotam ecclesiam Sancti Michaelis de Potencia , ut dixit, gerens devotionem precettoris singularem, animavertens ad salutem animarum patris et aliorum suorum consanguineorum suorum, ut dixit, spontanea et mera sua voluntate in nostrum qui supra iudicis, notarii et testium subscriptorum presencia sollepniter et legitime cum omni iuris et facti sollepnitate donavit, dedit, cessit pure, libere, simpliciter et bona fide perpetuum inrevocabiliter inter vivos iusto titulo, prout ex nunc in antea omne ius et actionem quod et quam habet et spectat in futurum habere et sibi competituram quamvis et nondum de cetero et forma actionis subcessive in et super quandam vineam sitam in tenimento civitatis Potencie in contrata Mendaroli , confinatam ab una parte iuxta vineam magistri Riccardi de Cominello , mediante sulco comuni, iuxta vineam Antonelli Palloctini , mediante sulco comuni, ab alia parte iuxta vineam condam magistri Antonelli Barberii , mediante sulco et limite comunibus, iuxta vallonum Mendaroli , mediante cursu aquarum a superiori parte, iuxta quintanam puplicam per quam habet dessensum versus Cucuccium et alios fines. Item domum unam que est intus civitatem Potencie in parrochia ecclesie Sancti Michaelis , confinatam ab una parte iuxta domum magistri Riccardi de Cominello , mediante quintana pliviali, iuxta domum Pascalis de Picerno , mediante quintana pliviali seu vicinali, iuxta rugam puplicam et alios fines, venerabilibus viris dompno Angelo Porcario et dompno Angelo de Mazarella de Potencia , prepositis et procuratoribus ecclesie Sancti Michaelis de Potencia , ut dixerunt, presentibus ibidem pro parte dicte ecclesie et clericorum eiusdem, recipientibus predictum ius et actionem in et super dictis vinea et domo donatis per eundem Iacobum et omnium clericorum presentium et futurorum ad habendum, tenendum, possidendum, locandum, incensuandum et recipiendum de eis et ex eis fructus, redditus et proventus et propterea idem Iacobus coram nobis inducens predictos presbiteros pro parte dicte ecclesie in veram et vaccuam possessionem dictarum vinee et domus nunc prout ex tunc et tunc prout ex nunc de iure et actione spectantibus ad eum quecumque iure et titulo, cum accessibus et ingressibus suis usque ad vias puplicas cum omnibusque iuribus et pertinentiis spectantibus quovis modo, quam donacionem, tradicionem et assignacionem iurium spectantium ipsi Iacobo et omnia alia et singula in presenti instrumento contenta et annotata. Promisit dictus Iacobus donatarius per stipulationem legitimam et sollepnem predictis procuratoribus et prepositis dicte ecclesie et predictorum clericorum eiusdem ecclesie, nomine et pro parte eiusdem ecclesie, stipulantibus pro se et aliis subcessoribus dicte ecclesie, omni tempore tenere, habere, actendere ac tenaciter et inviolabiliter observare et de non facere, dicere, operare, opponere vel venire de iure vel de facto, in iudicio seu extra iudicium, aliqua actione vel causa, puplice vel occulte per se vel alios eius nomine sub obligatione et pena unciarum auri decem, medietate ipsius pene regie curie vel alteri competenti curie ubi exinde facta fuerit reclamatio seu querela persolvenda et altera medietate dicte pene procuratoribus et prepositis, nomine dicte ecclesie et clericorum eiusdem ecclesie, persolvenda, me predicto notario tamquam persona puplica pro parte dictarum curiarum et dictorum procuratorum et prepositorum dicte ecclesie et subcessorum suorum presentium et futurorum, quorum pro dicte ecclesie interest et interesse poterit in futurum penam ipsam sollepmniter et legitime stipulantibus. Qua pena totiens commictatur et exigi valeat cum effectu a dicto Iacobo donatario, heredibus et subcessoribus suis quotiens contra predicta fuerit quomodolibet contraventum dictaque pena commissa vel non commissa, exacta vel non exacta aud gratiose remissa, predicta omnia et eorum singula in suo semper robore perseverent. Et renunciavit dictus Iacobus donatarius dictis procuratoribus presentibus et futuris nomine dicte ecclesie ex certa eius scientia expresse, exceptioni doli mali, vix, metus et in factum, presentis non sic celebrati contractus, rei alio modo geste quam superius continetur et est expressum, exceptioni non secute realiter donacionis, tradicionis et assignationis predictarum vinee et domus et iurium, legi donacionis dicenti donationem ultra quingentos aureos sine insinuatione facta non valere, licteris, privilegiis, cedulis et rescriptis quibuslibet impetratis et impetrandis omnibusque aliis iuribus, exceptionibus, allegationibus et defensionibus iuris et facti iurique dicenti generalem renunciationem non valere et iuri per quod cavetur quod dicto iuri renunciari non possit, quibus dictus Iacobus donatarius predicta posset infringere vel quomodolibet annullare, et insuper renunciavit exceptioni iuris et facti canonico et civili, epistule donacionis causa mortis et omnibus aliis exceptionibus, actionibus et legum ausiliis et consiliis quibus premissis vel aliquid premissorum venire possent vel quomodolibet se tueri. Certioratus prius, ut dixit, de iuribus ipsis et effectibus eorundem et quod predicta vera sunt et pro actendendis et observandis eisdem predictus Iacobus coram nobis corporaliter ad sancta Dei evangelia prestitit iuramentum predictis procuratoribus et prepositis dicte ecclesie, presentibus pro parte dicte ecclesie et clericorum, recipientibus sacramentum predictum, quodque si defectus aliquis reperietur imposterum quocumque in presenti instrumento vel in predictis vel subscriptis vel aliquo ipsorum per quem presens donacionis et cessionis instrumentum et contenta in eo, possent irritari et annullari seu viribus vacuari eadem omnia et eorum singula ac presens instrumentum refici possit ad consilium et sensum sapientium ad omnem requisitionem procuratorum et prepositorum presentium et futurorum dicte ecclesie Sancti Michaelis, semel, bis et quotiens opus fuerit, veritatis substancia non mutata, presentia omnia tacite et expresse intelligantur in eo pro cautela ecclesie prelibate. Unde ad futuram memoriam et dictorum procuratorum et prepositorum ecclesie prelibate et omnium aliorum quorum interest et poterit in futurum interesse, certitudinem et cautelam, presens instrumentum factum est per manus mei predicti notarii, signo meo solito signatum, mei qui supra iudicis ac nostrum subscriptorum testium subscriptionibus roboratum.

Così A . Così A .

Quod scripsi ego predictus Thomasius puplicus ut supra notarius, qui premissis omnibus rogatus et vocatus interfui ipsumque meo consueto et solito signo signavi. (SN) Thomasius † Ego Mathias Cappellus qui supra annalis iudex. † Ego iudex Antonius Gentilis de Neapoli testis subscripsi. † Ego donnus Ricardus de Agliota stetis sum. † Ego diaconus Berthonus de Tarallo testi sum. † Ego Ludovicus de Potencia testi sum. † Ego diaconus Iacobus de Alloy testis sum. † Signum crucis proprie manus Trinci testis ydiote qui interfuit et se scribere nescientis.

Così A, si intenda testis. Così A, qui e dopo, in luogo di testis.