† In nomine domini nostri Iesu Christi amen. Anno a nativitate eiusdem millesimo quatricentesimo sexagesimotertio. Regnante ... Ferdinando Dei gratia Sicilie, Ierusalem et Hungarie rege, regnorum ... eius sui dominii anno quinto, dominante quoque in principatu Tarenti et civitate Matere Iohanne Antonio de Baucio de Ursinis , principe Tarenti, Licii comite ac regni Sicilie magno comestabulo etc.; mense Madii, die duodecima eiusdem, undecime indictionis, in civitate Matere .

Nos Loysius Thomasii de Angelis de eadem civitate, reginali auctoritate ad contractus iudex, Gullielmus de Gurrisi o de Pomarico de eadem civitate, publicus ubilibet per totum regnum Sicilie citra farum regia auctoritate notarius, domnus Angelus Antonii de Paulicella , diaconus Eustasius de Gactino , Iohannes Martinucii , Franciscus Nicolai Carfori et Angelus Iohannis Stephani , testes de affata civitate Matere, fatemur quod... ... constitutis Iohanna filia Antonii Paulimassi et Iacobo Antonii Bardarii de eadem civitate, eius viro, et Nardo Iohannucii Buccardi de eadem civitate. Prefati Iohanna et Iacobus asseruerunt habere petiam unam vinearum vituum cum arboribus, sepis circumdatam, sitam intus territorium Matere , in contrata Putei de Porcina, iuxta vineam Iohannis Iacobi iudicis Cataldi , iuxta vineam Dorantis de Padula , iuxta vineam Iohannucii Natalis Galioti , iuxta strictulam vicinalem et aliam strictulam. Et placebat eisdem dictam petiam vinearum dotalem vendere. Qua propter eadem Iohanna , stante cum ea Mustaritulo de Matera suo munduo electo et petito per eam, dato sibi per nos iudicem et notarium ac per Iacobum Viti Serviti baiulum eiusdem civitatis pro eodem anno undecime indictionis ac eius curiam confirmato, in defectu sui legitimi mundualdi quo carere se dixit ad presens, sub cuius munduo se esse recognovit, consensum et auctoritatem sibi prestante in tota huius scripti serie, et non ultra. Interrogata quoque per me prefatum iudicem de consilio sapientis si ad premissa et infrascripta iuris legum sollemnitate sibi in his adhibita consuevit et debet adhiberi, prefati iugales vendiderunt predicto Nardo Iohannucii Buccardi subscriptam petiam vinearum pro pretio unciarum duarum et tarenorum quindecim.

Quod scripsi ego prefatus Guilielmus de Gurrisio notarius. † Ego Loysius Thomasii Nicolai de Angelis , reginalis qui supra ad contractus iudex, predicta fateor et me subscripssi. † Ego dompnus Angelus Antonii Paulicelli qui supra testis me subscripsi. † Signum crucis proprie manus Iohannis Martinucii qui supra testis illicterati et scribere nescientis. † Signum crucis proprie manus Francisci Nicolai Carfori qui supra testis illicterati et scribere nescientis. † Signum crucis proprie manus Angeli Iohannis Stephani qui supra testis illicteratus scribere nescientis.