† In nomine Dei eterni et salvatoris nostri Iesu Christi amen. Anno a nativitate eiusdem millesimo quadringentesimo quinquagesimo septimo, die quarto mensis Septembris, indictione sexta. Regnante Alfonso Dei gratia rege Aragonum, Trinacrie, Valentie, Maioricarum, Sardenie et Corsice, Ierusalem, Sicilie, Dalmatie, Croatie, Rome, Servie, Galitie, Lodomerie, Comanie, Bulgarieque,mProvincie et Forcalquerii ac Pedimontis et Barchinone comite, duce Athenarum ac Neopatrie et Rossilionis ac Ceritanie, regnorum huius Sicilie citra farum dominii sui anno vicesimotertio. Dominante quoque in principatu Tarenti , comitatu Licii et civitate Mathere , Iohanne Antonio de Baucio de Ursinis , principe Tarenti, comite Licii ac regni Sicilie magno comestabulo.

Nos Loysius Thomasii Nicolai de Angelo de Mathera per provinciam terre Ydronti tantum reginali auctoritate ad contractus iudex, Nicolaus notarii Eustasii de Mathera, publicus ubilibet per totum regnum Sicilie reginali auctoritate notarius, Ciccus de Guercio , notarius Eustasius Donati de Leone , Gabriel Donati notarii Eustasii , Nicolaus Franciscus Iacobelli de Ciccarello et Antonellus de Marco , testes de eadem civitate, fatemur quod constitutis Antonio de Tarantino de Mathera et Antonio de Caruso de Matera, prefatus asseruit habere vineam unam vituum cum arboribus, sterilem et desertam, in tenimento Mathere, in contrata Putei de Archiepiscopo, iuxta vineale ipsius Anthonii de Caruso, iuxta vineam Petrus de Stephano filiorum Donati de Canione , iuxta vineam Iacobus Cafari , iuxta vineam Thomasii de Marathia , iuxta viam publicam et iuxta vineale heredum Iohannes de Vunutella ; et placebat eidem dictam vineam vendere. Qua propter vendidit prefato prefatam vineam pro pretio unciarum duarum.

Quod scripsi ego prefatus Nicolaus notarius. † Ego Loysius Thomasii Nicolai de Angelo reginalis qui supra ad contractus iudex me subscripsi. † Signum crucis proprie manus Cicci de Guercio qui supra testis illicteratus scribere nescientis. † Ego notarius Eustasius Donati de Leone qui supra testis testor. † Ego Nicolaus Franciscus Iacobelli de Ciccarello qui supra testis testor. † Ego Gabriel Donati notarii Eustasii testor qui supra.