Fidelitati tue sub pena unciarum auri quinquaginta
firmiter et expresse precipimus, quatenus statim receptis presentibus omni prorsus mora et occasione
cessantibus, facta prius diligenti extimatione in testimonio puplico pro quanta
quantitate pecunie fieri poterit furnus unus habilis ad coquendum panem pro ore
nostro et domus una habilis pro faciendo pane ipso, iuxta provisionem
Petri
et
Colini
de furno panecteriorum et familiarum nostrorum vel alterius ipsorum,
quem ad te propterea destinamus, in qua extimatione ipsos panecterios vel
alterum ipsorum volumus interesse, factis de extimatione huiusmodi duobus
scriptis puplicis consimilibus, continentibus formem presentium, nomina
et cognomina extimatorum, et quantitatem pecunie pro qua predictus fornus
cum eadem domo estimabuntur posse fieri, in quibus preter sigillum iudicis,
qui interfuerit extimationi predicte, apponantur sigilla ipsorum panecteriorum
vel alterius eorumdem, quorum unum magistris rationalibus magne curie nostre
sine mora transmittas. Reliquo tibi retento, domum ipsam cum furno ad extaleum
si fuerint aliqui qui domum et fornum ipsos veliut ad extaleum fieri facere,
pro illa quantitate pecunie pro qua extimabuntur fieri posse vel pro minori,
quod solum in
Melfia
et in
Venusio
facias subastare, quod si ad extaleum
concedi non potuerit cum expensis curie nostre de quacumque pecunia officii
tui que est vel erit per manus tuas et in defectu ipsius de pecunia presentis
generalis subventionis in terris iurisdictionis tue imposita et taxata, non
obstante mandato aliquo huic contrario tibi misso, per quod presentis mandati
regii executio impediri valeat vel differri, extra castrum nostrum
Lacuspensilis
,
in loco quem panecterii ipsi vel alter ipsorum aptum et ydoneum ad hoc providerint,
construi fieri et compleri facias sine mora. Recepturus de hiis que propteree
dederis ad tui cautelam ydoneam apodixam, et nichilominus quantitatem pecunie,
ad quam extimatio ipsa ascenderit, si opus ipsum ad extaleum concesseris et
quibus et pro quanta pecunie quantitate, et totum processum tuum, quem in hiis
habendum duxeris, celsitudini nostre nec minus magistris rationalibus magne
curie nostre particulariter et distincte in continenti per litteras tuas
scribas. Et si predicto modo ad extaleum concedetur, recipias ab extalleriis
ipsis ydoneos et sufficientes fideiussores de opere ipso studiose et bene,
secundum extimationem predictam usque ad certum et competentem terminum, quem
eis prefixeris faciendum, et totaliter per complendum quorum fideiussorum
nomina similiter per predictas litteras tuas scribas.