Doc. 53 (Karolus etc. Castellano seu custodi regii palatii Sancti Gervasii...) Martina Pavoni mark-up by Martina Pavoni transcription by main editor Fulvio Delle Donne BUP - Basilicata University Press Potenza 2026 Attribution-NonCommercial-ShareAlike 4.0 International (CC BY-NC-SA 4.0) Giustino Fortunato. Il castello di Lagopesole, Trani: Vecchi, 1902, pp. 240-242 Archivio di Stato in Napoli. Reg. Ang. 1822, n. 246, fol. 109 t. Fort. 53

Carlo , figlio di re Roberto , scrive al castellano di San Gervasio , che essendosi dal padre ordinato di costruirsi 3400 baliste da’ pali esistenti presso le regia corte, procuri dalle foreste a lui affidate 800 corna di cervi e di daini da servire come tenieri delle baliste medesime, e che le faccia recidere con sega nello loro grossezza o radice fino a’ rami, e ne mandi le radici in Napoli al Conservatore delle armi, 200 per volta. Simile ordine vien dato al castellano di Lagopesole .

1322-09-15

Karolus etc. Castellano seu custodi regii palatii Sancti Gervasii vel eius locumtenenti fideli paterno et nostro salutem.

Providendum noviter duximus fieri per regiam paternum curiam in civitate Neapolis de certis fustibus eiusdem curie balistarum tria milia quadringentas, pro quarum teneriis opportunis nucibus opus habentes ordinandum providimus quod cornua cervorum et daynorum in quantitate necessaria habeantur, ex quibus nuces huiusmodi fieri possint. Ex ipsa itaque cornuum quantitate sexcenta per vos inveniri et mitti volentes fidelitati vestre sub obtentu regie paterne nostreque gratie firmiter et expresse precipimus, quatenus statim receptis presentibus tam in terra Sancti Gervasii quam in terris vicinis ac etiam per forestas et nemora seu defensas custodie vestre commissa cornua cervorum et daynorum, usque ad predictam quantitatem per vos mitti ut prefertur provisam, perquiri et coadunari cum omni sollicitudinis studio faciatis, ex quibus grossities seu radices usque scilicet ad ramos eorumdem cornuum iuxta consilium et provisionem alicuius seu aliquorum expertorum in talibus ut habilius Neapolim deferantur secari et abscidi per dictos expertos in talibus faciatis, quas quidem grossities seu radices cornuum eorumdem utiles videlicet et necessarias pro nucibus supradictis statim Neapolim destinetis assignandas Iohanni de Citro de Neapoli et Iacobo de Ebulo conservatoribus armorum curie regie, nec expectetis grossicies seu radices ipsas in quantitate predicta simul et semel transmittere set eas sicut successive per manus vestras fuerint usque scilicet ad ducentas ad eamdem civitatem Neapolis propterea transmittatis, significaturi per litteras vestras viro nobili domino Dyego de Larat Caserte comiti, magno regni Sicilie camerario, dilecto consiliario et familiari paterno et nostro quantitatem dictarum grossicierum seu radicum eorumdem cornuum, quam ad predictam curiam vice qualibet auctoritate presentium duxeritis transmittendam.

Datum Neapoli in anno domini DCCCXXII die XV septembris VI indictionis regnorum dicti domini patris nostri anno XIIII. Eodem die ibidem similes facte sunt castellano seu custodi regii palatii Lacuspensilis seu eius locumtenenti super perquirendis dictis cornibus tam in terra Lacuspensulis quam in terris vicinis etc.