Doc. 29 (Scriptum est comiti camerario etc. Deducto nuper ad maiestatis...) transcription by Martina Pavoni mark-up by Martina Pavoni main editor Fulvio Delle Donne BUP - Basilicata University Press Potenza 2026 Attribution-NonCommercial-ShareAlike 4.0 International (CC BY-NC-SA 4.0) Giustino Fortunato. Il castello di Lagopesole, Trani: Vecchi, 1902, pp. 204-205 Archivio di Stato in Napoli. Reg. Ang. 1293-94 A, n. G3, fol. 7 t. Fort. 29

Per la morte di Guidone d’Arcy , custode di Lagopesole , si scrive al conte camerario, che ne era il successore, di destinare una persona proba, con competente assegno, e un numero sufficiente di fanti e di uomini a cavallo per la guardia al pascolo degli animali delle regie masserie.

1293-10-30

Scriptum est comiti camerario etc. Deducto nuper ad maiestatis nostre notitiam obitu quondam Guidonis de Arsi militis , cui custodiam palatii nostri ac forestarum et defensorum Lacuspensilis excellentia nostra commiserat, ne in palatio forestis et defensis eisdem defectu custodie damnum aliquod irrogatur, custodiam eorumdem palatii forestarum et defensarum tibi usque ad beneplacitum nostrum fiducialiter duximus committendam, fidelitati tue districte precipiendo mandantes quatenus de cura et custodia ipsorum palatii forestarum ac defensarum actente providens ipsam alicui probo viro, quem ad hoc decreveris ydoneum loco tui committas, statuens apud eum pro dictarum forestarum et defensarum custodia cautiori illum equitum et peditum numerum qui tibi ad id necessarius visus erit, quibus de ipsorum stipendiis mandes et facias prout utile conspexeris de dictarum forestarum et defensarum proventibus provideri. Tu autem nichilominus super hiis frequenter accurate provideas ne dampnum in eis aliquod inferatur, statuens quod animalia massariarum aratiarum et marescallarum nostrarum pascua libere sumere valeant in forestis et defensis predictis. Illud tamen exprimimus quod intentionis nostre non est ut protextu presentium officio Iohannis Scoti militis regni nostri Sicilie senescalli, alias consiliarii familiaris et fidelis nostri, ad cuius officium predictarura forestarum et defensarum cura et custodia pertinere dinoscitur, in aliquo derogetur.

Datum ut supra (Aquis anno domini millesimo ducentesimo nonagesimo tertio die penultimo mensis octobris VII indictionis).