Dudum
Everardo Chinardo
militi tuo in eodem officio precessori
et erario deputato cum eo per nostras litteras scripsisse recolimus
in hec verba.
Karolus
primogenitus illustris
Ierusalem
et
Sicilie
regis Dei gratia
rex
Ungarie
princeps
salernitanus nobili viro
Everardo Chinardo
militi
iustitiario
Basilicate
et erario deputato cum eo devotis suis etc.:
devotioni vestre precipimus quatenus
Raynaldo
de dominico
Petro de Iohanne
,
Petro de Biasio
et
Dominico de Iohanne
de cisidio de Villa Sorani, quos ad occidendum
lupos cum pulvere in forestis
Sancti Gervasii
et
Lacus pensulis
et
extra forestas predictas in quibus fuerit oportunum
ad maiorem conservationem, tam animalium araciarum curie, quam
etiam privatorum sumentium pascua in forestis predictis
pro parte curie providimus deputandos, gagia statuta per curiam ad
rationem videlicet de tarenis auri septem et granis
decem ponderis generalis pro quolibet ipsorum per mensem ex nunc
in antea, donec in dictis servitiis curie moram trahent,
de quacumque fiscali pecunia et in ipsius defectu de pecunia generalis
subventionis pro presenti anno sexte indictionis
terris et locis iustiariatus
Basilicate
per curiam imposita et tibi
iustitiario ad recolligendum commissa, que est vel
erit per manus vestras, absque defectu quolibet exolvatis. Recepturi
de hiis que presentium auctoritate dederitis
apodixam ydoneam ad cautelam, mandato nostro huic contrario vobis
facto, de tota pecunia subventionis ipsius mittenda
et assignanda, pro parte curie venerabili patri
domino G[iberto
Caputaquensi episcopo magne regie curie magistro
rationali et
Guidoni de Alamania
militi, super recipienda et
expendenda fiscali pecunia regni per dominum patrem
nostrum, statuto aliquatenus non obstante, deductis de gagiis ipsis,
per vos dictis lupariis presentium auctoritate
solvendis, unciis auri duabus, quas eis ad presens per eumdem
Caputaquensem episcopum de fiscali pecunia existente
per manus suas pro duobus mensibus ad rationem predictam fecimus
exhiberi. Datum
Neapoli
anno domini MCCXCII die XVIII
decembris sexte indictionis. Regni nostri anno primo. Verum quia
idem processor tuus prius fuit a predicto iustitiariatus
amotus officio quam dictas litteras nostras exequi potuisset, sicut
per ipsarum resignationem curie nostre constitit,
quas mandavimus lacerari, quare devotioni tue districte precipimus,
quatenus forma predictarum litterarum nostrarum eidem
precessori tuo ut premittitur directarum diligenter attenta et in
omnibus observata, litteras ipsas tamquam si tibi directa
fuissent in omnibus et per omnia efficaciter exequaris.