Cum pro arduis et expressis servitiis curie
que incumbunt pecunia sit nobis ad presens plurimum oportuna, de fide industria et sollecitudine
tua confisi fama de te laudabile testimonium perhibente, te, circa celerem pecuniam ab infrascriptarum
terrarum universitatibus curie debitam, ad quam composuerant cum curia per syndicos eorum dem pro
dampnis illatis per eos in forestis
Lacuspensilis
et
Gualdi
duximus pro parte curie statuendam,
devotioni tue sub pena unciarum auri viginti firmiter et expresse precipiendo mandantes, quatenus
statim receptis presentibus ad terras ipsas et loca te personaliter conferens, in singulis terris
et locis ipsis subscriptam quantitatem pecunie ipsarum quamlibet contingentem inter homines terrarum
ipsarum, iuxta cuiuslibet facultates taxari facias absque mora. Collectores per quamlibet ipsarum
universitatum electos vel etiam eligendos ad recollectionem celerem ipsius pecunie et debitores
singulos ad solvendum, omni cohercione qua melius et celerius expedire videris districtius
compulsurus, quam pecuniam recollectam per te a collectoribus ipsis recepi volumus, et sicut
successive recolligetur ad cameram nostram mittas, non expectato quod totam eamdem pecuniam
simul et semel ad ipsam cameram nostram mittas, cum pro predictis servitiis curie in ea satis
necessaria reputetur, facturus collectoribus ipsis de pecunia quam receperis ab eisdem ad eorum
cautelam ydoneas apodixas. Tu vero super recollectione ipsius pecunie sic sollicite et diligenter
intendas, quod tota ipsa pecunia que de terris et locis ipsis debetur per totum presentem mensem
augusti ad tardius sic infallibiliter recollecta, et in prodicta camera ut predicitur assignata,
sicut servitia curie felices cupis habere successus, cautus existens ne pretextu taxationis ipsius
pecunie maior pecunie quantitas predictarum terrarum hominibus imponatur vel ab eis etiam exigatur,
sicut evitare desideras iracundie nostre motus, factis per te in qualibet terrarum ipsarum de
particulari taxatione ipsius pecunie quaternis tribus consimilibus, uno a collectoribus ipsis
habendo, alio alicui probo viro de qualibet terrarum ipsarum assignando et ostendendo per eum
gratis et gratanter omnibus scire volentibus quantitatem eis impositam et taxatam
et tertium ad curiam nostram mittas. Nomina vero terrarum ipsarum et quantitas
pecunie ad quam tenentur sunt hec videlicet.