Cum beneplaciti nostri sit
quod in palatio nostro
Lacuspensilis
de vino rubeo
Melfie
meliori quod haberi
poterit, percipiendo presenti vindemiarum tempore, in vegetibus nostris, que
in palatio ipso sunt usque ad salmas quadringentas ad salmam generalem studiose
ac salubriter reponi debeant et ssrvari, ut cum illuc venerimus estate videlicet
proxima futura vinum ipsum inveniamus bonum et utile pro usu nostro et hospitii
nostri, fidelitati tue sub pena unciarum auri centum firmiter et expresse precipimus
quatenus, electis in continenti quatuor burgensibus
Melfie
sufficientibus et
fidelibus ac in hiis expertis et adhibito eis viro de familia tua ultramontano
videlicet aut de stipendiariis nostris tecum morantibus de quo plene confidas,
predictum vinum de meliori vino rubeo dicte terre quod inveniri poterit, musto
scilicet, presenti vindemiarum tempore, quo meliori foro habebitur, usque ad
quantitatem predictam quadringentarum salmarum emi facias per eosdem de pecunia
curie nostre, quam eis de quacumque fiscali pecunia existente vel futura per
manus tuas, sive de presenti generali subventione vel undecumque exhibeas in
necessaria quantitate considerato foro quo vinum ipsum ibidem communiter
distrahetur. Ita quod in hoc non contingat curia nostra modo quolibet decipi
vel fraduari, cum videlicet tibi totaliter incumbamus, et vinum ipsum emptum
ad predictum palatium nostrum deferri facias cum iustis et moderatis expensis
faciendis per eosdem statutos tuos de pecunia nostre curie supradicta eis per
te similiter exhibenda, reponendum in predictis vegetibus cum illis quibus
expedierit diligentia et studio et repositum assignandum
Bertoldo
bruno,
custodi eiusdem palatii, quem in repositione ipsius vini super mensuris
personaliter interesse et fide oculata mensuras ipsas volumus intueri, a
quo de assignatione ipsius vini sub sigillo suo et a venditoribus de
pretio ac a delatoribus de delatura eiusdem recipi mandes et facias per
statutos predictos apodixas ydoneas ad cautelam, tui ratiocinii tempore
producendas, de particulari autem emptione vini predicti, sicut de die
in diem emetur, fieri volumus quaternum unum continentem quantitatem
totam emendam, nomina et cognomina venditorum, quantum a quolibet
emptam fuerit, ad quam rationem et pro quanta pecunie quantitate, quem
usque per totum quintum diem proximo futurum mensis novembris huius
none indictionis cum litteris tuis continentibus nomina et cognomina
predictorum statutorum tuorum, quantitatem totam dicti vini emptam,
delatam et in predictis vegetibus repositam ac predicto
Bertoldo
assignatam, cum die assignationis et forma etiam apodixe, quam
exinde dictus
Bertoldus
fecerit nobis et magistris rationalibus etc.
destinare procures. Super cuius vini emptione et repositione eam adhiberi
facias curam diligentem et studium oportunum, quod predicto estatis tempore
vinum ipsum bonum inveniamus et utile pro usu nostro et nostri hospitii
supradicti, quia si secus esset recursum inde ad te totaliter haberemus.