Fidelitati tue precipiendo mandamus quatenus vegetes omnes curie
nostre que sunt in castro nostro
Lacuspensilis
reparatione indigentes
incontinenti facias, de quacumque pecunia curie nostre, que undecumque
est vel erit per manus tuas preterquiam de pecunia presentis generalis
subventionis, cura reparatione qua indigent reparari, presente et sciente
castellano ipsius castri ac plenam notitiam et conscientiam habente de
omnibus et singulis expensis in reparatione huiusmodi faciendis, apodixam
ydoneam de omnibusque propterea dederis recepturus, et cautus existas quod
expense ipse iuste et moderate sint et sic legaliter fiant quod in hiis curia
nostra fraudari vel decipi non contingat, cum tibi exinde incumbamus significaturus
nobis et magistris rationalibus magne curie nostre quantitatem pecunie, quam pro
reparatione ipsarum vegetum, que solvere contigerit, et de qua pecunia expensas
huiusmodi duxeris faciendas.