Fidelitati tue sub pena viginti quinque
unciarum auri firmiter et expresse precipimus, quatenus statim receptis presentibus ad
requisitionem
Riccardi de Credulio
piscarierii et familiaris nostri piscari facias in
pantano
Versentini
et capi tantam quantitatem anguillarum, quam deferre possit currus
unus a
Versentino
usque
Venusium
, que quidem quantitas anguillarum sit medietas de
anguillis grossis et medietas de anguillis minutis, et in continenti quod anguillas
ipsas habueris eas iuxta provisionem predicti
Riccardi
reponi facias in barrilibus
cum aqua, et deferri in curru predicto usque
Venusium
et deinde barrilia ipsa deferri
facias cum someriis conducendis per te de pecunia curie usque ad lacum
Lacuspensulis
,
et postquam anguillas ipsas immitti et eici facies per ordinatum tuum una cum ipso
Riccardo
in dictum lacum barrilia ipsa cum quibus deferentur dicte anguille assignari
facias per predictum ordinatum tuum castellano castri nostri
Lacuspensilis
, pro quibus
curro et somareriis patronis ipsorum de quacumque pecunia curie que est vel erit per
manus tuas, competens loerium largiaris. Recepturus de quantitate pecunie quam pro
predictis omnibus dederis et recipi facturus de quantitate barrilium, quam predicto
castellano feceris assignari, ad tui cautelam ydoneam apodixam, et rescripturus in
continenti per litteras tuas magistris rationalibus etc. quantitatem totam pecunie,
quam pro predictis omnibus solveris et quantitatem anguillarum tam magnarum quam parvarum,
quam ad predictum lacum miseris, et quantitatem barrilium quam predicto castellano assignari
feceris particulariter et distincte.