Doc. 11 (Scriptum est eidem iustitiario etc. Fidelitati tue sub pena viginti quinque unciarum...) Martina Pavoni mark-up by transcription by Martina Pavoni main editor Fulvio Delle Donne BUP - Basilicata University Press Potenza 2026 Attribution-NonCommercial-ShareAlike 4.0 International (CC BY-NC-SA 4.0) Giustino Fortunato. Il castello di Lagopesole, Trani: Vecchi, 1902, pp. 170-171 Archivio di Stato in Napoli. Reg. Ang. 1276-77 A, n. 27, fol. 103 Fort. 11

Le università e i luoghi vicini a Lagopesole , già tassati per il fodro, ad eccezione di Melfi e di Venosa , dove sono soldati stipendiati, debbono ogni giorno mandare a vendere a Lagopesole pane, vino, orzo e quanto occorre per uso di tutte le persone che seguono la corte, e riceverne quitanza.

1277-07-07

Scriptum est eidem iustitiario etc.

Fidelitati tue sub pena viginti quinque unciarum anni firmater et expresse precipimus, quatenus receptis presentibus singulas terras et loca iurisdictionis tue, vicina loco Lacuspensulis , in certa quantitate fodri, panis videlicet vini, ordei, gallinarum, porcorum, castratorum et vaccarum, considerata qualitate et distantia locorum, non habendo respectum ad potentiam vel amorem aut ad vim alicuius taxare debeas, et huiusmodi fodrum panis, vini, ordei et singularum aliarum rerum necessariarum usui hominum et equorum, per homines et animalia terrarum et locorum ipsorum apud Lacumpensulem pro gente tota curiam nostram sequente in quantitate sufficienti et necessaria, continue et fine defectu quolibet deferri mandes et facias ad vendendum, impositurus baiulis, iudicibus et magistris iunatis et universitatibus terrarum et locorum ipsorum penam decem unciarum auri, ut quantitatem totam fodri, quam in singulis locis ipsis taxaveris die quolibet ad predictum locum Lacuspensulis sine defectu quolibet mittere studeant ad vendendum, presentandum marescallo nostro vel statuto loco sui. Ita quod de re presentatione ipsius fodri ab eodem recipiant vel habeant apodixam vel litteras responsales, et si forte alique de universitatibus ipsis fodrum huiusmodi secundum taxationem tuam mittere distulerint, predictam penam vice qualibet quoties in penam ipsum inciderint statim exigas ab eisdem et ad cameram nostram mittas, nichilominus compellas easdem de fodro ipso continue transmittendo. Universitates vero Melfie et Venusii , eo quod ibi stipendiarii nostri morantur escludi volumus ab ipso fodro mittendo usque ad nostre beneplacitum voluntatis sciturus pro certo quod si in mittendo fodro ipso negligens vel remissus extiteris, ita quod gens curiam nostram fequens rerum ipsarum patiatur defectum, penam predictam vice qualibet a te mandabimus extorqueri. Significaturus magistris rationalibus etc. Singulas terras et loca taxanda per te et quantitatem fodri, quam in singulis terris et locis ipsis taxaveris et in quibus terminis fodrum ipsum mittere debebunt particulariter et distincte.

Datum apud Lacumpensilem XII iulie V ind. (1277).