PdP Epistola 19 (In omnem terram exivit sonus...) Petrus de Pretio, 1229?-1269 mark-up by Martina Pavoni revision by Fulvio Delle Donne Martina Pavoni transcription by main editor Fulvio Delle Donne BUP - Basilicata University Press Potenza 2026 Attribution-NonCommercial-ShareAlike 4.0 International (CC BY-NC-SA 4.0) E. Müller, Peter von Prezza, ein Publizist der Zeit des Interregnums, Heidelberg 1913, pp. 140-141 Berlin, Staatsbibliothek Preußischer Kulturbesitz, lat. Fol. 188 (XIV sec.), c. 99r Leipzig, Universitätsbibliothek, 1268 (XV sec.): c. 82r PdP019

Pietro prega l’anonimo destinatario della lettera di essere preso al suo servizio e gli ribadisce la sua fedeltà.

In omnem terram exivit sonus, qui de vobis laudes innumeras et inmense probitatis insignia preconatur, ex quibus precipue, furo per Deum vobis, cor meum incaluit, ut ad regie maiestatis presenciam vestrumque conspectum non differem ulterius me conferre firme spei spiritum hauriens, ut favoris flores et gracie fructus colligam ex ameno benignitatis vestre vireto, quod aliis claudere non soletis. Faciens itaque de persona, carne videlicet ossibus et medullis rebusque meis ceteris licet paucis, que sola mihi de naufragio supersunt fortune, unicam hostiam, quam precise vestris offero beneplacitis et mandatis, queso suppliciter, ut zelo suggerente virtutum et flamma fragrante solite caritatis me totum in vestrum recipientes domesticum licet forsan inutilem servitorem sub umbra alarum vestrarum dato vobis a Deo potencie robore fulciatis.