PdP Epistola 18 (A mente vestra non creditur excidisse...) Petrus de Pretio, 1229?-1269 transcription by Martina Pavoni mark-up by Martina Pavoni revision by Fulvio Delle Donne main editor Fulvio Delle Donne BUP - Basilicata University Press Potenza 2026 Attribution-NonCommercial-ShareAlike 4.0 International (CC BY-NC-SA 4.0) E. Müller, Peter von Prezza, ein Publizist der Zeit des Interregnums, Heidelberg 1913, pp. 139-140 Jena, Universitätsbibliothek, El. Phil. Q. 1 (XV sec.), cc. 64v-65r Leipzig, Universitätsbibliothek, 1268 (XV sec.): c. 63v PdP018

Pietro scrive a un amico di infanzia che ha ottenuto una carica importante e si mette totalmente a sua disposizione.

A mente vestra non ereditar excidisse, qualiter olim, dum essem infantulus vobiscum a matris uberibus educatus me vobis totum devoveram et vobiscum continue conversabar. Ex quibus efficax profecto colligitur argumentum et evidens nascitur coniectura, quod tanto nunc vestrior esse debeam, quanto postmodum ad altiorem speculam ascendistis. Constet vobis igitur nec ullatenus veritas dubitetur, quod, postquam vobis animum devotus exhibui, personam quidem animus contulit et persona de rebus propriis iam hostiam tibi fecit. Vos igitur animo, persona rebusque deinceps utamini sicut libet, cum in veritate vobis liquere queat et possitis id clarius experiri, quod nemo rem aliquam possidet, quin posset ei liberius dominari.