In nomine Domini amen. Anno incarnationis eiusdem millesimo trecentesimo quadragesimo quarto, die quartodecimo mensis iulii duodecime indictionis, apud Sinopolum . Regnante serenissima domina, domina nostra regina Ioanna , Dei gratia inclita Hierusalem et Sicilie regina, Ducatus Apulie et Principatus Capue , Provincie et Forcalquerii , ac Pedemontis comitissa, regnorum suorum anno secundo, feliciter, amen.

Nos Dominicus Guerreri , annalis iudex terre Sinopolis , Iordanus de Lazaro de Seminaria , publicus ubilibet per totum Ducatum Calabrie regia auctoritate notarius, et testes subscripti ad hoc specialiter vocati et rogati, presenti scripto publico notum facimus et testamur quod, in nostra presentia constitutus discretus vir Emilius de Salvia , olim familiaris, ut dixit, magnifici viri domini Sandali Brancacii de Neapoli militis, constitutus prius in me, prefatum iudicem, tanquam in suum iudicationem, cum ex certa eius scientia sciret me suum iudicationem in hac parte non esse, presentibus ibidem ad hoc nobilibus viris domino Lamberto Malarbi , domino casalis Casoliti , olim vicario comitatus Sinopolis, et Lancea [de] notario Peregrino de Sinopolo , vicario magnifici viri Caroli Ruffi de Calabria , domini comitis Sinopolis , primogeniti. Idem Emilius , animo se obligandi, sponte confessus est se recepisse et manualiter habuisse, atque recepit et habuit, nomine et pro parte ipsius domini Sandali , de eius mandato, proinde liberatorio facto, ut dixit, a prefatis dominis Lamberto et Lancea vicariis, per manus quondam Francisci de Papageorgio , olim conservatoris victualium dicti Caroli in Capistrello , summam unciarum auri ducentarum, debitarum, ut dixerunt, eidem domino Sandalo per prefatum Carolum , frumentis salmas ducentis decem generalis mensure civitatis Rhegii , ad rationem de tarenis quinque pro qualibet salma; que tota pecunia est in summa, iuxta rationem factam inter eos, unciarium triginta quinque pecunie usualis. Renunciando ad hoc dictus Emilius exceptioni non habit vel non recepti frumenti supradicti.

Unde ad futuram memoriam, et tam praedicti Emilii , olim familiaris dicti domini Sandali , certitudinem quam predictorum dominorum Lamberti et Lancea , vicariorum ipsius Caroli , cauthelam, factum est eis exinde presens publicum instrumentum, scriptum per manus mei prefati notarii publici, nostrumque qui supra iudicis, notarii et testium subscriptorum signis et subscriptionibus roboratum, ipsius Emilii petitionibus et rogatu. Scriptum anno, die, mense, loco et indictione praemissis. † Ego Dominicus Guerreri , annalis iudex terre Sinopolis , qui supra, testor. † Ego Fredericus de Ungaro testor. † Ego Franciscus de Amantea predicta testor. † Ego Petrus Flumari testor. † Ego qui supra Iordanus de Lazaro de Seminaria , publicus ubilibet per totum Ducatum Calabrie regia auctoritate notarius, presens scriptum publicum scripsi et me subscripsi.