In nomine Domini, amen. Anno a nativitate eiusdem millesimo trecentesimo trigesimo nono, die primo quarto mensis septembris, septima inditione, apud Sinopolum . Regnante serenissimo domino nostro rege Roberto , Dei gratia inclito Hierusalem et Sicilie rege, Ducatus Apulie et Principatus Capue , Provincie et Forcalquerii ac Pedemontis comite, regnorum suorum anno trigesimo, feliciter amen.

Nos Nicolaus Zarvusa , iudex terre Sinopolis , Petrus de Guizarramo , regius publicus notarius per totum Iustitiariatum Calabrie per regiam curiam creatus, et testes subscripti ad hoc vocati specialiter et rogati, presenti scripto publico notum facimus et testamur quod vir magnificus et egregius Gulielmus Ruffus de Calabria , comes Sinopolis , in nostram presentiam constitutus, considerans satis grata et accepta servitia quae magister Nicolaus Pirrotta de Sinopoli sue curie contulit incessanter et confert continue, et que, Deo dante, conferre poterit in antea meliora, nolens sua servitia inremunerata transire, sed ei digno merito respondere, de sua propria bona et spontanea voluntate, et cum dicte curie consilio et provisione munito, dedit, tradidit et concessit eidem magistro Nicolao et suis heredibus ex suo corpore legitime descendentibus perpetuo, totam et integram petiam terre sue curie propter excadentiam devolutam, sitam in loco dicto Butena supradictas, prope ecclesiam Sancti Cristofali de tenimento terre Sinopolis , subscriptis finibus limitatam et cum omnibus iuribus, rationibus et iustis pertinentiis suis, que est prope viam publicam dictam de dromo, iuxta terram Petri notarii Barbari et iuxta terras filiorum quondam notarii Nicolai de Protopapa et alios confines, ad annuum censum granorum auri decem ponderis generalis, solvendarum per eundem magistrum Nicolaum et suos heredes, anno quolibet, de mense augusti, eidem domino comiti et suis heredibus sine aliqua diminutione. In cuius terre et omnium iurium, rationum et iustarum pertinentiarum suarum prefatus comes eundem magistrum Nicolaum et suos heredes in corporalem possessionem coram nobis investivit per fustem, dans et concedens sibi et suis heredibus plenam licentiam et liberam potestatem a modo dictam terram habendi, tenendi, locandi, alienandi, et eidem magistro Nicolao et suis heredibus predictam terram defendere et discalumniare ab omni calumniante persona in curia nostra, suis propriis diligentiis et expensis. Et predictam suam locationem et concessionem semper ratam et firmam habere, tenere, attendere et inviolabiliter observare per se et suos heredes, et nullus aliquo modo contrafacere vel venire.

Unde, ad futuram memoriam et ad cautelam dicti magistri Nicolai suorumque heredum, presens scriptum publicum eis fieri fecimus per manus mei predicti notarii publici, rogationibus dicti comitis, nostrum qui supra iudici, notarii ac subscriptorum testium signis et subscriptionibus roboratum, ac propria subscriptione dicti domini comitis munitum. Actum anno, die, mense, loco et indictione praemissis. † Ego Petrus de Guizarramo , qui supra, regius publicus notarius per totum Iustitiariatum Calabrie per regiam curiam creatus, predicta scripsi et me subscripsi.