In nomine Domini, amen. Anno a nativitate eiusdem millesimo trecentesimo trigesimo octavo, die vigesimo quarto mensis aprilis, sexta inditione, apud Seminariam , regnante re Roberto , Dei gratia inclito Hierusalem et Sicilie rege, Ducatus Apulie et Principatus Capue , Provincie et Forcalquerii ac Pedemontis comite, regnorum suorum anno trigesimo, [feliciter amen].

Nos,  Franciscus de Iudice Nicolao , iudex terre Seminarie , et  Bartholomeus de Lazaro , regius publicus eiusdem terre notarius, et testes subscripti, ad hoc specialiter vocati et rogati, presenti scripto publico notum facimus et testamur universis, tam presentibus quam futuris, quod in nostra presentia constituta, infrascripta persona de Seminaria , ad hec notario  Ioannes Chaleli , procuratore generale ut asseruit domini  Gulielmi Ruffi de Calabria , comitis Sinopolis , animo se obligandi, sponte confessi sunt se tenere et possidere a prefato domino comite infrascripta bona stabilia, sita et posita in terra Seminarie , cum pertinentiis suis, ad annuum censum, seu redditum particularem et distinctum, videlicet, Jacobus de Salvia  tenet et possidet terram unam sitam in loco dicto de  Petruso , cum arboribus in ea existentibus, prope terram  Rogerii Gudi , terras quondam iudicis  Jacobi Donnapopa  et alios confines, ad annuum censum granorum decem, pecunie usualis. Nicolaus Trudenti  tenet et possidet quandam vineam sitam in loco dicto  Falara , prope vineam  Gutte de Mazaragno , prope vineam  Pere de Intrazarani  et alios confines, ad annuum censum tareni unius, pecunie usualis. Costantia Mule , uxor  Georgii de Gericambio , iure communi romano vivens, tenet et possidet domum unam sitam in convicinio  Sancte Marie de Strangis , prope domum  Dominici de Catansario , viam publicam et alios confines, ad annuum censum granorum quinque. Magister Rogerius figulus de Mileto , habitator Seminarie , tenet et possidet domum unam sitam in convicinio S ancte Marie de Strangis , prope domum domine Palmine , mediante vinella domum  Ioannis hortulanii, et prope aliam domum ipsius domine Palmine , moenia terre Seminarie et alios confines, ad annuum censum granorum duorum, ipsius predicte usualis. De qua quidem confessione predictorum personarum, predictus notarius  Ioannes  nomine et pro parte prefati domini comitis requisivit nos, qui supra iudicem et notarium publicum nostrum in hac parte officium implorando, et testes subscriptos, ut ad ipsius domini comitis et heredum suorum cautelam ei exinde fieri faceremus publicum instrumentum.

Cuius requisitionibus iustis, ut pote, annuentes, ad ipsius dominum comitis et heredum suorum cautelam, ei exinde fieri fecimus presens publicum instrumentum, scriptum per manus mei predicti notarii publici, nostrum qui supra iudicii, notarii et testium subscriptorum signis et subscriptionibus roboratum. † Franciscus de iudice Nicolao , iudex terre Seminarie . † Notarius Marchisius de Theti [testor]. † Rainerius de Thetis , testor. † Iordanus de Lazaro de Seminarie , [testor]. † Iordanus de Nicolao , testor. † Damianus de domino Valentino [testor]. † Bartholomeus de Lazaro , regius publicus, scripsit et signo suo firmavit.