In nomine Domini Amen. Anno Incarnationis eiusdem millesimo trecentesimo vigesimo tertio, die vigesimo tertio mensis Ianuariis, sexte inditionis; apud
Palitium
. Regnante Serenissimo Domino nostro Rege
Roberto
Dei gratia inclito
Hierusalem
, et
Sicilie
Rege,
Ducatus Apulie
,
Principatus Capue
,
Provincie
,
Forcalquerii
, ac
Pedemontis
Comite, regnorum suorum anno decimoquinto feliciter Amen.
Nos
Guglielmus de Cutrono
Iudex terre
Palitii
,
Nicolaus de Santo Paulo
Regius publicus Notarius per totum Iustitiariatum
Calabrie
ordinatus, et testes subscripti ad hoc vocati specialiter et rogati, presenti publico instrumento notum facimus et testamur. Quod vir nobilis
Raimundus de Busca
in nostra presentia constituto ostendit nobis, ac publice legi fecit, quoddam publicum instrumentum scriptum per manum
Cesaris Pulegi
de
Luca
, publici Imperialis et per totum Regnum
Sicilie
Regia authoritate notarii, quod vidimus, legimus, et inspeximus diligenter non abolitum, non cancellatum, nec aliqua parte sui fore vitiatum, per omnia infrascripti tenoris.
Qui
Raimundus
pretitulato die vigesimo tertio dicti mensis Ianuarii mandato et authoritate et potestate predictis sibi traditis per
Guglielmum de Busca
prefatum, ut superius enarratum Procuratorem nomine dicto
Gugliemi de Busca
predicti, providum Virum
Riccardum Razonitum
de
Maida
Vicarium generalem et Procuratorem dicti
Guglielmi
de
Sinopulo
procuratorio nomine ipsius
Guglielmi
de
Sinopulo
, et pro eo recipientem in veram, vacuam, et corporalem tenutam, et possessionem dicte medietatis pro indiviso ad eum spectantis de terra quam Regia Curia habuit in
Veteri Brutiano
site in Iustitiariatu
Calabrie
, quam dictus
Guglielmus
tenebat, et possidebat in feudum a Regia Curia communiter pro indiviso cum dicto
Guglielmo
de
Sinopulo
ex venditione sibi facta a
Bartholomeo de Busca
predicto, cum hominibus, vassallis, possessionibus, terris cultis, et incultis, tenimentis, iurisdictionibus, operibus, angarie, et perangariis, servitiis, redditibus, bonis, aquis, aquarumque decursibus, molendinis, silvis, pascuis, et pertinentiis singulis ad medietatem dicte terre spectantibus, ut in publico Instrumento inde facto plenius continetur. Coram nobis per fustem ut moris est induxit, et legitime investivit ad gaudendum dictus
Guglielmus
de
Sinopulo
, pacifica possessione medietatem terre praedicte, et aliorum predictorum per eundem
Guglielmum de Busca
prefato
Guglielmo
de
Sinopulo
venditorum.
In cuius rei testimonium, et futuram memoriam, et ut de premissis fides fieri valeat apud omnes, et dicti
Guglielmi
de
Sinopulo
cautelam factum est eidem Riccardo Vicario et Procuratori dicti
Guglielmi
de
Sinopulo
Procuratoris nomine ipsi, et pro eo recipiente presens publicum Instrumentum scriptum et subscriptum per me notarium supradictum signo meo solito signatum, nostrum qui supra Iudicis et testium subscriptorum signis, et subscriptionibus roboratum. Actum anno, die, mense, loco et inditione premissis.
† Ego
Gugliemus de Cutrono
qui supra Iudex interfui et testor.
† Ego Presbiter
Michael
de
Palitio
testor.
† Ego
Francischinus de Castrobono
testor.
† Ego
Guglielmus Atafatus
testor.
† Ego
Andreas de Castromari
testor.
† Ego
Robertus de Bittonio
predicta testor.
† Ego
Constansius de Melcichino
predicta testor.
† Ego
Nicolaus de Alania
predicta testor.
† Ego
Nicolaus de Santopaulo
Regius Publicus qui supra Notarius predicta scripsi et me subscripsi
d'altrà mano si legge nel codice: appresso a questa scrittura viene in ordine il transunto del Privilegio del Re Roberto registrato dieto a folio 12 a tergo seguita lettera Regia, come nelle pretermesse