In nomine domini amen. Anno Nativitatis eiusdem millesimo trecentesimo vigesimo secundo, Regnante Domino nostro
Roberto
, Dei gratia excellentissimo Rege
Hierusalem
, et
Sicilie
,
Ducatus Apulie
, et
Principatus Capue
,
Provincie
, et
Forcalquerii
, ac
Pedemontis
comite, Regnorum eius anno quartocedimo feliciter Amen. Die octavodecimo novembris, sexte inditionis apud
Neapolim
.
Nos
Matthaeus de Fulco
ad contractus Iudex civitatis
Neapolis
,
Cesar Polegi de Luca
publicus imperiali et per totum Regnum
Sicilie
Regia authoritate notarius, et testes subscripti ad hoc specialiter vocati, et rogati, presenti scripto publico declaramus atquae fatemur quod in nostra presentia constitutus nobilis vir
Guglielmus de Busca
marchio, constituens prius in nos predictos Iudicem et Notarium, ut in suos expressos cum sciret ex certa eius scientia, nos esse asseruit coram nobis se, una cum domina
Zebellina
de
Manfridonia
uxore sua vendidisse viro nobili
Guglielmo
de
Sinopolo
Cambellano, et familiari Ducali, medietatem pro indiviso ad eum spectantem de terra quam Regia Curia habuit in
Veteri Brutiano
, sita in Iustitiaratu
Calabrie
quam dictus
Guglielmus
tenebat et possidebat in feudum a Regia Curia communiter pro indiviso cum dicto
Guglielmo
de
Sinopulo
ex venditione sibi facta a
Bartholomeo de Busca
patruo ipsius
Guglielmi
, cum hominibus, vassallis, possessionibus, terris cultis, et incultis, tenimentis, iurisdictionibus, operibus, angariis, et perangariis, servitiis, redditibus, bonis, acquis, aquarunque decursibus, molendinis, silvis, pascuis, et pertinentiis singulis ad medietatem dicte terre spectantibus, ut in publico instrumento inde facto asseruit contineri. Et volens dictus
Guglielmus de Busca
eundem
Gugliemum
de Sinopolo pacifica dicte medietatis terre predicte, et aliorum predictorum possessione gaudere, per presens publicus instrumentum mandavit
Raimundo de Busca
Vicario suo in terra predicta, licet absenti per eundem
Guglielmum
de
Sinopolo
vel suum pro eo Procuratorem, inducat in corporalem tenutam et possessionem dicte medietatis terre praedicte, et aliorum supradictorum, et ad ipsam tenutam, et possessionem dandam, et assignandam Gulielmo prefato vel eius Procuratori pro eo, dictus
Guglielmus de Busca
fecit, constituit, et ordinavit suum verum, et legitimum Procuratorem certum, ac specialem Nuntium
Raimundum de Busca
quo pro factum licet absentem, tanquam presentem, et etiam ad ipsum
Gulielmum
, vel eius Procuratorem inducendum in veram, vacuam, et corporalem possessionem dicte medietatis terre et aliorum supradictorum venditorum pro eum dicto
Guglielmo
, et ad faciendum, et fieri faciendum de predictis, et quolibet eorum Instrumenta publica, et cautelas ad predicta idoneas, et competentes, que plenum robur obtineant firmitatis, et generaliter ad omnia, et singula alia in predictis, et circa predicta et quolibet eorum faciendam, et procurandam, tamquam quilibet verus, et legitimus Procurator et certus, et specialis Nuncius facere debet et potest, et que ipse constituens facere posset, et deberet si praesens adesset, etiam cum talia fuerint que mandatum exigant speciale; promittens, et se solemniter obligans dictus constituens sub hypoteca et obligatione omnium bonorum suorum se ratum, gratum, et firmum perpetuo habiturum totum ac quidquid per dictum Procuratorem suum factum, patratum, et ordinatum fuerit in predictis, vel aliquo predictorum, me predicto notario tamquam persona publica vice et nomine omnium quorum interest, et poterit interesse solemniter stipulante.