In nomine Domini nostri
Iesu Christi
amen. Anno nativitatis eiusdem millesimo trecentesimo quadragesimo sexto, die vigesimo primo mensis iulii, quarte decime indictionis, apud
Rhegium
. Regnante excellentissima domina, domina nostra regina
Ioanna
, Dei gratia inclita
Hierusalem
et
Sicilie
regina,
Ducatus Apulie
et
Principatus Capue
,
Provincie
et
Forcalquerii
, ac
Pedemontis
comitissa, regnorum suorum anno quarto, feliciter amen.
Nos
Robertus de Gilberto
, reginali auctoritate iudex ad contractus civitatis
Rhegii
,
Constantius de Famulisio
de
Rhegio
, regius publicus ubilibet per totum
Ducatum Calabrie
regia auctoritate notarius, et testes subscripti ad hoc vocati specialiter et rogati, presenti scripto publico notum facimus et testamur quod predicto die, accensitis nobis personaliter ad petitionem instantiamque domini
Thome de Fulginio
, nuntii ad infrascripta, ut dixit, magnifici viri domini
Gulielmi Ruffi de Calabria
, comitis
Sinopolis
, coram reverendo in
Christo
patre et domino domino
Petro
, Dei gratia rhegino archiepiscopo.
Idem dominus
Thomasius
ostendit et presentavit eidem domino archiepiscopo, et per me praedictum notarium publicum publice legi fecit quasdam reginales litteras eidem domino archiepiscopo directas, anulo originali secreto de cera rubea, ut videbatur, sigillatas, quas vidimus, legimus et inspeximus diligenter, et erant per omnia tenoris et continentiae subsequentis.