Concessio officii capitaniae et iustitiariatus.

1. Cum post sedatos iam fluctus bellicae tempestatis, cuius inter nos hactenus aura contraria cultum pacis et fructum iustitiae peruertebat, precipua nos cura sollicitet, qualiter circa bonum statum regionis ipsius sub umbra nostri dominii tranquillitatis et plenae securitatis, bona profutura succedant, ecce ... de ..., familiarem nostrum dilectum, de cuius prudentia et legalitate confisi confidimus ab experto, capitanum et iustitiarum ipsarum partium duximus statuendum. 2. Quocirca fidelitati uestrae precipiendo mandamus, quatenus de omnibus et singulis, quae ad ipsius capitaniae et iustitiariatus officium spectare noscuntur, ei de cetero ad honorem et fidelitatem nostram parere et intendere studeatis, tamquam capitaneo et iustitiario ipsarum partium; per nostram, et cetera. 3. Datum, et cetera.