Ep. VI 19 (Decus est principum fidelium uotis...) Petrus de Vinea mark-up by Martina Pavoni Martina Pavoni transcription by main editor Fulvio Delle Donne BUP - Basilicata University Press Potenza 2026 Attribution-NonCommercial-ShareAlike 4.0 International (CC BY-NC-SA 4.0) L'epistolario di Pier della Vigna, coord. di E. D'Angelo, ed. crit. a cura di A. Boccia, E. D’Angelo, T. De Angelis, F. Delle Donne, R. Gamberini, Soveria Mannelli 2014, pp. 1082-3 Par. lat. 8563, ff. 93r- 93v PdV VI 19

Federico II autorizza la richiesta da parte del Comune di … di riduzione del salario dei podestà.

 1247?

Taxatio salarii, constituti in ciuitate, potestatibus tribuendi.

1. Decus est principum fidelium uotis clementer annuere ac supplicantium preces misericorditer exaudire, ut sic per gratiam diligantur in populis et per dominium timeantur in terris. 2. Per presens igitur scriptum notum facimus universis Imperii fidelibus, tam presentibus quam futuris, quod, cum Commune …, fideles nostri, nunc misericordiae nostrae ianuam humili petitione pulsassent, quod in salario suis decreto Potestatibus exolvendo, cuius solutionem preteritam suis onerosam facultatibus reputabant, prouidere misericorditer dignaremur, nos eorum supplicationibus benignius inclinati, salarium ipsum annuum ad ... librarum summam prouidimus amodo reducendum. 3. Quo Potestates eorum, qui pro tempore fuerint, uolumus fore contentos, scripti presentis auctoritate mandantes, quatenus nullus sit, qui Commune predictum, fideles nostros, ad maiorem exactionem salarii temeraria de cetero coactione compellat. 4. Quod si presumpserit, et ceterum, ad maiorem cuius rei memoriam et ceterum.