Ep. VI 16 (Dignum esse decernimus et consentaneum...) Petrus de Vinea Martina Pavoni mark-up by transcription by Martina Pavoni main editor Fulvio Delle Donne BUP - Basilicata University Press Potenza 2026 Attribution-NonCommercial-ShareAlike 4.0 International (CC BY-NC-SA 4.0) L'epistolario di Pier della Vigna, coord. di E. D'Angelo, ed. crit. a cura di A. Boccia, E. D’Angelo, T. De Angelis, F. Delle Donne, R. Gamberini, Soveria Mannelli 2014, pp. 1077-8 Par. lat. 8563, f. 93r PdV VI 16

Federico II accoglie la richiesta del maestro ... di riconoscere come legittimi i figli nati da una relazione con tale B., avuta mentre era ancòra negli ordini sacri; in questo modo ai figli sarà riconosciuta la partecipazione a tutti i diritti dei figli legittimi. L’imperatore decreta anche che la ventesima parte del patrimonio a questo punto spettante ai figli riconosciuti legittimi, deve essere versata alla curia.

 1220-1250

Litterae dispensationis super defectum natalium.

1. Dignum esse decernimus et consentaneum rationi, ut hii, quos interdum in legitimis actibus defectus natalium impedit legitimationis honore, per principem reparentur: etsi quando super hiis imperialis fauor fidelium suorum supplicatione requiritur, liberaliter largiatur. 2. Inde est, quod cum magister ... de …, fidelis noster, pro legitimatione filiorum suorum, quos ipse, dudum in sacris ordinibus constitutus, ex B. de eadem terra muliere soluta se asserit genuisse, maiestati nostrae humilius supplicauit, nos supplicationibus suis benignius inclinati, predictos ... de plenitudine potestatis nostrae et ex certa scientia eos spurios esse scientes, legitimamus; et ad omnia iura legitima restituimus ut, tamquam legitimi de legitimo thoro nati, in bonis paternis et maternis, quae feudalia non existunt, succedant, et ad omnes actus publicos et ciuiles honores, si se casus ingesserit, admittantur, et in omnibus aliis suam libere prosequi ualeant actionem, obiectione prolis illicitae in posterum quiescente et lege aliqua non obstante, et ea precipue, quae legitimari spurios nisi ex certa scientia non permittit. 3. Ita tamen, quod uicesimam partem prouentuum omnium bonorum, quae predictae legitimationis beneficio ad legitimos eosdem prouenerint, singulis annis reddantur curiae nostrae, in recognitionem gratiae, quam super hoc eis duximus indulgendam. 4. Ad huius autem rei memoriam, et cetera.