Ep. V 56 (In nostrae maiestatis presentia...) Petrus de Vinea transcription by Martina Pavoni mark-up by Martina Pavoni main editor Fulvio Delle Donne BUP - Basilicata University Press Potenza 2026 Attribution-NonCommercial-ShareAlike 4.0 International (CC BY-NC-SA 4.0) L'epistolario di Pier della Vigna, coord. di E. D'Angelo, ed. crit. a cura di A. Boccia, E. D’Angelo, T. De Angelis, F. Delle Donne, R. Gamberini, Soveria Mannelli 2014, p. 878 Par. lat. 8563, f. 79v PdV V 56

Federico II ordina al podestà di Pisa di costringere un cittadino pisano a restituire un mulo avuto in deposito da B. di …, valletto della sua Camera.

 1240

Potestati Pisanorum, ut cogat quemdam ad restitutionem depositi muli.

1. In nostrae maiestatis presentia, B. de..., ualletus nostrae Camerae, fidelis noster, constitutus exposuit, quod dudum, nobis de partibus Lombardiae in Tusciam uenientibus, apud …, ciuem Pisanum, quemdam suum mulum infirmum, ut dicit, curandum dimisit. 2. Vnde, cum ad presens pro eodem mulo ad se in Regnum ducendo idem B. latorem presentium suum transmittat nuntium specialem, fidelitati tuae precipiendo mandamus, quatenus memoratum... ad restituendum predictum mulum et assignandum predicto nuntio, pro parte et nomine B. prefati, qua conuenit, coartatione compellas.