De causa appellationis superiori committenda in criminalibus interiectae
1. Causam appellationis a sententia condempnationis, latam per B. de...,
tunc Potestatem
Ciuitatis Castelli
, contra
T. Rubeum
de eadem terra, super
quinquaginta libris ad
Pandulphum de Fasanella
, proditorem nostrum, olim
in
Tuscia
de mandato nostro uicarium generalem, prout asseritur, legitime
interiectam, super eo, quod
T. Rubeus
predictus per B. de... coram eodem
Potestate extiterat accusatus, quod eumdem B. percusserat cum cultello, fidelitati
tuae duximus committendam, mandantes quatenus, totius processus
et sententiae latae diligenter inspecto tenore, partibus etiam in tua presentia
conuocatis, et qui de iure fuerint euocandi, si prefatum Potestatem ordine
iudiciario, et non ex officio, tibi super premissis constiterit processisse ad
confirmationem uel infirmationem ipsius processus et condempnationis
sententiae, prout fuerit, de iure procedas. Deinde facias, quod iuri et honori
nostro uideris utilius et honestius expedire.