Ep. V 19 (Vocatus nuper ad presentiam nostram...) Petrus de Vinea Martina Pavoni mark-up by Martina Pavoni transcription by main editor Fulvio Delle Donne BUP - Basilicata University Press Potenza 2026 Attribution-NonCommercial-ShareAlike 4.0 International (CC BY-NC-SA 4.0) L'epistolario di Pier della Vigna, coord. di E. D'Angelo, ed. crit. a cura di A. Boccia, E. D’Angelo, T. De Angelis, F. Delle Donne, R. Gamberini, Soveria Mannelli 2014, pp. 810-1 Par. lat. 8563, f. 75r PdV V 19

Federico II ordina allo stesso [giustiziere] di rispettare e far rispettare la famiglia (in particolare anche quella della suocera) e i beni di maestro P. di …, fintantoché egli non può farlo personalmente in quanto impegnato alle dirette dipendenze dell’imperatore.

1241?

Eidem, ut manuteneat et defendat illos, quos et sua bona sub imperiali protectione susceperat.

1. Vocatus nuper ad presentiam nostram magister P. de … pro instantibus excellentiae nostrae seruitiis, quae personam suam specialiter exigebant, domesticas et festiuas primitias nuptiarum, quae in coniugium uicinitate tripudiant, mandatis parendo dominicis, interrupit. 2. Cumque domum suam et consortis suae nouae constantiam, cuius erat in suo pectore cura maior, dum custodes incertos uel incognitos hospites nollet ad hoc, uel potius dubitaret, admittere, socrui suae, de qua prae ceteris confidebat, specialiter et fiducialiter commisisset, ut quae, licet in totum uirilem supplere non posset absentiam, nichilominus tamen abinde non discedat, dictus … magister nostro culmini supplicauit, ut domum et filios socrus ipsius, quos ex causa predicta deseruit, sub nostra protectione recipi mandaremus. 3. Cuius supplicationibus inclinati, fidelitati tuae precipiendo mandamus, quatenus domum terras et filios mulieris ipsius non permittas ab aliquo molestari, sed ipsos in eorum uiribus auctoritate nostri culminis manuteneas et defendas.