Ep. V 13 (Diuinis et humanis instutitis non absonat...) Petrus de Vinea Martina Pavoni mark-up by transcription by Martina Pavoni main editor Fulvio Delle Donne BUP - Basilicata University Press Potenza 2026 Attribution-NonCommercial-ShareAlike 4.0 International (CC BY-NC-SA 4.0) L'epistolario di Pier della Vigna, coord. di E. D'Angelo, ed. crit. a cura di A. Boccia, E. D’Angelo, T. De Angelis, F. Delle Donne, R. Gamberini, Soveria Mannelli 2014, pp. 799-800 Par. lat. 8563, ff. 74r-74v PdV V 13

Federico II ordina allo stesso [giustiziere] di catturare sulla strada il ribelle I. di …, che, per sfuggirgli, finge di recarsi in pellegrinaggio a Roma .

1220-1250

Eidem, ut ponantur insidiae ad capiendum proditorem.

1. Diuinis et humanis instutitis non absonat, quod, qui nostram non uerentur lacessere maiestatem et contra nostra cotidie commoda moliuntur, a nobis et a Regni nostri fidelibus in personis et rebus eis inferri debeant detrimenta. 2. Cum I. de …, qui factionibus … de … usque modo pro uiribus extitit aduersatus, coram nostrae celsitudinis effigie comparere deuitans, ut imperialis euadat aculeos ultionis, sub fictae pietatis uelamine Apostolorum intendat limina uisitare: nos, nolentes, ut fraus et dolus patrocinentur eidem, fidelitati tuae damus firmiter in mandatis, quatenus per uias et semitas ponas insidias et eum capias, si inciderit in easdem, ut quem imperiali diademati inferre non puduit lesionem, cadat ipse in decipulam, quam tetendit.