Ep. V 100 (De tua prudentia et fidelitate confisi...) Petrus de Vinea Martina Pavoni transcription by mark-up by Martina Pavoni main editor Fulvio Delle Donne BUP - Basilicata University Press Potenza 2026 Attribution-NonCommercial-ShareAlike 4.0 International (CC BY-NC-SA 4.0) L'epistolario di Pier della Vigna, coord. di E. D'Angelo, ed. crit. a cura di A. Boccia, E. D’Angelo, T. De Angelis, F. Delle Donne, R. Gamberini, Soveria Mannelli 2014, pp. 956-7 Par. lat. 8563, f. 84v PdV V 100

Federico II ordina a un nobile di entrare in Ascoli ed assumere la carica di podestà, esercitando con fedeltà il suo ufficio.

 1242

Cuidam nobili, ut procedat ad regimen ciuitatis, cui prefecit eum in Potestatem.

1. De tua prudentia et fidelitate confisi, te Potestatem ciuitatis Esculi pro anno futuro duximus statuendum, fidelitati tuae mandantes, quatenus ad predictam ciuitatem te conferas, et Potestariam ad deuotionem et fidelitatem nostram et pacificum statum ciuitatis ipsius debeas fideliter exercere. 2. Iures nichilominus Statuta ciuitatis ipsius, et consueto dari predecessoribus tuis salario sis contentus. 3. Damus etiam Consilio et Communi ciuitatis eiusdem nostris litteris in mandatis, ut tibi in omnibus, quae ad ipsius Potestariae officium spectare noscuntur, pro eodem anno intendere debeant, ad honorem et fidelitatem nostram, tamquam a maiestate nostra statuto consuetum tibi salarium prestituri.