Ep. IV 11 (Nobili mulieri dominae P., Petrus de Vineis salutem...) Petrus de Vinea Martina Pavoni mark-up by Martina Pavoni transcription by main editor Fulvio Delle Donne BUP - Basilicata University Press Potenza 2026 Attribution-NonCommercial-ShareAlike 4.0 International (CC BY-NC-SA 4.0) L'epistolario di Pier della Vigna, coord. di E. D'Angelo, ed. crit. a cura di A. Boccia, E. D’Angelo, T. De Angelis, F. Delle Donne, R. Gamberini, Soveria Mannelli 2014, p. 748 Par. lat. 8563, f. 69v PdV IV 11

Risposta alla lettera precedente, con cui il mittente ( Pier della Vigna ?) cerca di consolare la madre per la morte del figlio e garantisce la sua protezione.

ante 1249?

Responsiva ad precedentem, consolando eam.

Nobili mulieri dominae P., Petrus de Vineis salutem et consolationem, quam potest et debet. 1. In prematuro filii tui casu, quo percussa doles et sauciata tristaris, impleas naturae debitum, sed diuinae correctionis imperium non contempnas. Nec tamen usque adeo, licet intus efferueas, exageratus sit dolor, ut, contra Deum prouocata, quodammodo uidearis te uindicare uelle cum lacrimis, et irata cum iudice potius quam correpta credaris, presertim cum habeat Dominus, quid clamanti respondeat, et habeat consolator, quid offerat lacrimanti. 2. Nam Ille quod suum communi ratione repetiit; iste dilectionis maternae consolamen superstitum scilicet concessit sufficientium numerum filiorum. 3. Ad quorum omnium bonum me libenter et hylariter offero, et affectione paterna sollicitum, et amica prouisione fidelem in posterum preseruabo, quorum unum – si concesserit Dominus – natura futurum michi promisit filium et agnatio reliquos filialis affines.