Ep. I 6 (Cum sit Christus caput Ecclesiae...) Petrus de Vinea Martina Pavoni transcription by Fulvio Delle Donne revision by mark-up by Martina Pavoni main editor Fulvio Delle Donne BUP - Basilicata University Press Potenza 2026 Attribution-NonCommercial-ShareAlike 4.0 International (CC BY-NC-SA 4.0) L'epistolario di Pier della Vigna, coord. di E. D'Angelo, ed. crit. a cura di A. Boccia, E. D’Angelo, T. De Angelis, F. Delle Donne, R. Gamberini, Soveria Mannelli 2014, pp. 107-110 Par. lat. 8563, cc. 4v-5r Ep. I 6

Federico II esorta i cardinali a prendere posizione contro la scomunica che il papa si prepara ad emettere contro di lui, per odio insensato nei suoi confronti e fallace valutazione del suo operato in Sicilia; protesta a questo riguardo la sua completa innocenza, testimoniata anche dalla missione dell’arcivescovo di Messina sull’osservanza delle leggi da lui promulgate a difesa dei prelati e in riparazione dei danni eventualmente subiti dagli stessi nel Regno; e ammonisce gli stessi cardinali che non debbano restare coinvolti nella giusta vendetta che l’imperatore porrà in essere a sua legittima difesa, nel caso che il pontefice perseveri nell’attuare il suo proposito.

1239, 10 marzo

Fridericus cardinalibus, super sententia excommunicationis lata contra ipsum, per dominum papam in Vrbe .

1. Cum sit Christus caput Ecclesiae et in Petri uocabulo suam fundauerit Ecclesiam supra petram, uos Apostolorum statuit successores, ut, Petro pro omnibus ministrante, uos, qui estis candelabra Ecclesiae supra montem, non sub modio constituta, reuera omnibus, qui sunt in domo Domini, ex affectu bonorum operum luceatis, nec a publica mundi lingua et conscientia generali uos subtrahere intendatis, cum ad singula, quae residens sedi Petri proponit statuere, uel denuntiando decreuerit, equa participatio uos admittat, nisi ipsius religionis Ecclesiae status et zelus efferuens euitandi scandalum generale ea uobis suggesserit ob futura. 2. Quis enim non miretur et stupeat, quod tot uenerabilium patrum aggregatione munitus, Ecclesiae generalis sedens in solio, utinam iustus iudex!, inconsulte uelit procedere, ac suis motibus excandescens in Romanum intendit principem, aduocatum Ecclesiae, ad precipitationem omnium sententiam depositionis statuere; 3. et ob fauorem Lombardorum rebellium exercere spiritualem gladium, si dici liceat, minus iuste, cum alias quicquid ex obiectis Ecclesiarum grauaminibus, quae uel dicuntur obiecta, uel quae ut species a genere per indiuidua deriuantur, uel emendationem ceperint, uel ad deliberationem uestri consilii sit in proximo, prout iussio iam precessit debita et integra emendatio secutura. Apostolicum nos prestitit monituros, euidens testimonium declaratur: et precedens nostra constitutio super uocatione prelatorum dampna passorum de eisdem prestanda integra satisfactione prelatis, uenerabili Messanensi episcopo assessori nostro uocato ad hoc transmisso, euidens perhibet testimonium ueritatis. 5. Propter hoc non indigne dolemus, si pater Apostolicus offendere tam grauiter nos intendat, ut nos, dum in constantem uirum tam uehemens cadat iniuria, etsi patienter ferre uelimus, immanitas negotii non permittit, quin ad ultiones, quibus Cesares uti solent, facti uiolentia nos compellat. 6. Verumptamen, dum consideramus impatientiam dominantis uel procedentis, et difficultatem attendimus defensoris, si ex quo liceret priuatas exercere uindictas, quas in hominem, per quem scandalum uenit, et in sui participes sanguinis compensare possemus attemptata in ipsum et suos, uestrae Sedis iniuriam redundare tolerabilius duceremus. 7. Sed nec ipse, nec tota propter hoc successura progenies tanta foret, ut Imperii culmen zelaret in ultionem ipsorum; cumque ipsius Sedis auctoritas audaciae sibi frena relaxet, et tot uenerabilium fratrum suorum mollities eum in concepta fouere pertinacia uideatur, angit nos altiori mente turbatio: quod, dum nos intendimus a persequente defendere, oportet nos defendendo grauius offendere satagentem, salua semper in omnibus Ecclesiae sanctitate; quam cultu sacro et debita reuerentia corde et opere ueneramur. 8. Quapropter uenerabilem cetum uestrum affectuosius deprecamur, quatenus motus summi pontificis, quos ex causis euidentissimis tam iniustos quam uoluntarios mundus agnoscit, ex deliberata modestia compescatis, generali statui Ecclesiae et presertim quieti mentium a scandalis prouidentes. 9. Nam, cum ad salutem et honorem omnium uestrum fauorabiliter alligemur, etsi principiis obstare non possumus, licite liceat nobis iniurias, quas reuocare non possumus, propulsare iniuriis.