Pergamena 9 transcription by Alessandro Di Muro mark-up by Alberto Romaniello main editor Fulvio Delle Donne BUP - Basilicata University Press Potenza 2026 Attribution-NonCommercial-ShareAlike 4.0 International (CC BY-NC-SA 4.0) 1353, agosto 6, ind. VI, Potenza. Annotazioni terg.: del sec. XVIII: Attanasio. Nullius valoris. In calce: testes, dominus Matheus de Stampis, archipresbiter Sancte Trinitatis, dompnus Nicolaus de Franco, dompnus Riccardus Crispus, Nicolaus notarii Andree et Angelus notarii Andree. A. Giganti, Le pergamene dell’archivio Arcivescovile di Acerenza (secoli XIII-XIV), in Popolazione Paesi e Società della Basilicata, a cura di A. Giganti, R. Maino, Bari 1989, pp. 105-171: 129-131. Archivio Arcivescovile di Acerenza Instrumentum, n. 151 A. Giganti, Le pergamene dell’archivio Arcivescovile di Acerenza (secoli XIII-XIV), in Popolazione Paesi e Società della Basilicata, a cura di A. Giganti, R. Maino, Bari 1989, pp. 105-171: 105-108. Perg_9

Salerna De Domino Ruggiero di Potenza, moglie del quondam Roberto De Madio, assicura Francesco, Giannotto e Giacomino, figli di Bariona De Madio, Angelillo, figlio di Nicola De Madio, Francesca di Lagopesole, tutrice di Angelillo ed erede del quondam Francesco De Madio, che possiede i beni del quondam Roberto De Madio soltanto " precario nomine ".

La pergamena, di cm. 30 x 10, è in buone condizioni di conservazione, con piccolo foro al centro del testo, che non disturba la completa lettura del documento.

 06-08-1353

+ Anno Domini millesimo trecentesimo quinquagesimo tertio, regnantibus serenissimis dominis, domino nostro Ludovico et domina nostra Iohanna , Dei gratia Ierusalem et Sicilie rege et regina, ducatus Apulie et principatus Capue , Provincie et Forqualquerii ac Pedimontis comitibus, regnorum vero predicti domini regis anno quinto et prefate domine regine anno undecimo, feliciter amen. Die sexto mensis augusti sexte indictionis apud civitatem Potentiam , in presentia iudicis Girardi de Garruba , annalis predicte civitatis Potentie iudicis, Angeli de Gaudiano de eadem civitate puplici ubilibet per regnum Sicilie regia et reginali auctoritate notarius et testium subscriptorum ad hoc specialiter vocatorum et rogatorum. Ego Salerna de domino Rogerio de Potentia , relicta quondam Roberti de Madio de eadem terra, mero iure Romano vivens sicut ceteri homines et mulieres de prefata civitate Potentie ab antiquo vixerunt et vivunt, manifestum facio vobis nobilibus viris et muliere, Francisco , Iannocto et Iacobino , filiis quondam Barione de Madio de dicta civitate Potentie et Angelillo , filio quondam Nicolai de Madio ac domine Francesce de Lacupensuli de eadem civitate avie et tutrici legitime Angelilli , pupilli, filii et heredis quondam Francisci de Madio , filii vestri. Propter quod ad preces et rogationes meas per me vobis proinde factas, concessistis mihi tenere et possidere precario nomine in vita mea donec vixero, a vobis, tam vestrorum nomine quam nomine et pro parte prefati Angelilli pupilli, omnes domos vineas casilia ortos terras et quecumque alia omnia bona stabilia, que fuerunt dicti quondam Roberti de Madio patrui vestri et predicti Angelilli pupilli et viri mei iam dicti, sistentia intus predictam terram Potentie et eius territorio, ad vos spectantes et pertinentes hereditario nomine et pro parte quondam abbatis Girardi de Madio patrui vestri et prefati pupilli. Et dudum ipsa bona stabilia eidem abbati Girardo per me vendita prout in quodam puplico instrumento inde confecto plenius et seriosius continetur, ita quod ex predictis bonis stabilibus possim libere percipere et habere et sine aliqua contradictione vestra seu vestrorum aliquo vel aliquibus pro parte vestra et pupilli iamdicti fructus redditus et proventus donec vixero, ut est predictum, et de eisdem fructibus redditibus et proventibus facere velle meum. Scribo et firmo atque sollempni stipulatione promicto vobis et dicto pupillo ac vestris heredibus ut predicta tenuta non faciat vobis et dicto pupillo seu vestris heredibus preiudicium vel sasinam, sed completo termino vite mee dicta bona omnia stabilia france et libere revertantur ad manus vestras et dicti pupilli vel heredum vestrorum, sine contradictione et impedimento quocumque tam meorum heredum quam aliorum volentium et debentium contradicere in bonis stabilibus supradictis, occasione tenute predicte; obligans me proinde et heredes meos circa premissa omnia et singula adimplendum et non contraveniendum, ad penam unciarum auri decem. Cuius pene medietate vobis seu prefato pupillo vel vestris seu suis heredibus et reliqua medietate regie et reginali curie componendo, me predicto notario Angelo tamquam persona puplica pro parte dicte curie sollempniter et legitime stipulante. Qua pena soluta vel non, firmis remanentibus omnibus et singulis supradictis et nos predicti iudex, notarius et testes subscripti declaramus atque fatemur quod predicta omnia et singula in nostri presentia acta fuerunt sive gesta. In cuius rei testimonium et omnium quorum interest et interesse poterit certitudinem et cautelam, presens puplicum instrumentum exinde factum est per manus mei notarii supradicti, signo meo solito signatum, subscriptione mei qui supra iudicis et subscriptorum testium subscriptionibus roboratum. Quod scripsi ego idem Angelus de Gaudiano puplicus ut supra notarius, quia predictis rogatus interfui et meo solito signo signavi.

+ Ego Girardus de Garruba , iudex civitatis Potentie qui supra. + Ego Matheus de Stampis , miles civitatis Potentie comestabulus interfui. + Ego Nicolaus de notario Andrea interfui. + Ego Angelus de notario Andrea interfui.