Pergamena 2 Alessandro Di Muro transcription by mark-up by Alberto Romaniello main editor Fulvio Delle Donne BUP - Basilicata University Press Potenza 2026 Attribution-NonCommercial-ShareAlike 4.0 International (CC BY-NC-SA 4.0) 1284, ... , 8, ind. XII, Potenza. Annotazioni terg. Del sec. XIII: Instrumentum cuiusdam domus prope ecclesiam Sancii Andree. Instrumentum in quo continetur nomine patris siri Pascalis, videlicet dominus Fulco. Del sec. XVIII: Attanasio. In calce: Testes: magister Gilibertus iudicis Iacobi, Leonardus Strambus, Rao Saliens, Iacobus de perpetuo. A. Giganti, Le pergamene dell’archivio Arcivescovile di Acerenza (secoli XIII-XIV), in Popolazione Paesi e Società della Basilicata, a cura di A. Giganti, R. Maino, Bari 1989, pp. 105-171: 111-113. Archivio Arcivescovile di Acerenza Instrumentum n. 102 A. Giganti, Le pergamene dell’archivio Arcivescovile di Acerenza (secoli XIII-XIV), in Popolazione Paesi e Società della Basilicata, a cura di A. Giganti, R. Maino, Bari 1989, pp. 105-171: 105-108. Perg_2

Bernardo e Riccardo, figli del quondam Sire Pasquale De Fulcone, assegnano una casa alla loro madre Suprinia.

La pergamena, di cm. 40 x 19, si conserva in precarie condizioni, con numerose macchie di umidità e caduta della membrana nell'angolo superiore destro, dovuta a rosicature di topi.

 1284

+ Anno Dominice Incarnationis millesimo ducentesimo octogesimo quarto, regnante domino nostro Karulo , Dei gratia invictissimo rege Ierusalem , Sicilie , ducatus Apulie , principatus Capue , Alme Urbis senatore, principe Achaie , Andegavie , Provincie , Forcalquerii [ac Pedimontis comite], regnorum eius Ierusalem anno octavo, Sicilie vero vicesimo, feliciter amen. Die lune, octavo mensis [... duodecime] indictionis, nos Nicolaus de Muro , regius iudex Potentie , Iohannes de Gunella , puplicus eiusdem terre [notarius et testes] licterati de eadem terra ad hoc specialiter vocati atque rogati, presenti scripto puplico fatemur, quod, ad rogatum Bernardi et Riccardi , filiorum quondam et heredum Sire Pascalis de domino Fulcone , civium et habitatorum Potentie , ad domum in qua dudum habitabat dictus quondam Sire Pascalis , una cum eisdem heredibus nos personaliter conferentes invenimus in eadem domo presentem dominam Supriniam , uxorem quondam dicti Sire Pascalis , cui predicti Bernardus et Riccardus nobis presentibus et videntibus tradiderunt et assignaverunt domum predictam cum casale uno eidem domui contiguo, sitam in civitate Potentie , in vicinio ecclesie Sancti Andree, videlicet: prope domum que quondam fuit iudicis Rogerii de Hermagno et prope domum que fuit quondam cantoris Manfridi et si qui alii sunt confines. Et eamdem dominam Supriniam de predictis domo et casile in corporalem possessionem induxerunt pro unciis auri quatuordecim et tarenis vigintiquinque. Quos et quas dixerunt dicti heredes predictum Sire Pascalem , communem patrem eorum confessum fuisse in ultimis vite sue se recepisse et habuisse integraliter a predicta domina Suprinia vel ab aliquo alio pro parte sua, tempore contractus matrimoni inter eos. Quarum domum cum casile predicto dicta domina Suprinia recipiens ab heredibus supradictis habuit se contentam et solutam de tota predicta pecunie quantitate. Ad cuius rei memoriam perpetuam faciendam, tam ad cautelam predictorum heredum quam domine Suprinie supradicte, ad petitionem ipsorum, presens puplicum instrumentum exinde factum est per manus mei predicti Iohannis de Gunella , puplici Potentie notarii, signo meo solito subscripltione mei qui supra iudicis et nostrum qui interfuimus testium subscriptionibus roboratum.

+ Ego Nicolaus de Muro , regius iudex Potentie qui supra. + Ego Rao Saliens interfui. + Ego Gilibertus Cumbus , medicus, testis sum. + Ego Iacobus de Comestabulo interfui. + Ego Leonardus Strambus interfui.