Noverit universitas vestra quod Nos ... recognoscimus Nos et cameram nostram per manus fratris Arnulphi de ordine Templi, dil. thesaurarii nostri, a Iacobo Nicholai Iacobi, mutuante pro se ipso et Paulo fratre suo et Iohanne filio dicti Iacobi, civibus et mercatoribus Romanis, quingentas libras ... tarenorum mutuo recepisse ... , promictentes quod huiusmodi pecuniam ipsis mercatoribus ... in ... die primo maii apud Provinciam ... faciemus exolvi ... In cuius rei testimonium presens publicum instrumentum per manus Bartholomei Astoris iudicis et scriniarii ... fieri fecimus et sigillo Maiestatis nostre muniri.
Actum Rome in Palatio Capitolino, presentibus Guillelmo Decano Sancti Petri virorum Aureliani, Guillelmo de Modiobladi et Petro Farinelli, militibus et clericis nostris, testibus ad hoc vocatis et rogatis, anno Domini M.CC.LXVIII, mense septembris, die XXV, XII ind., R. n. a. IIII. Et ego Bartholomeus Astoris d. g. Sancte Romane Ecclesie Iudex et scriniarius, qui hiis omnibus interfui, presens publicum instrumentum de mandato dicti dom. Regis scripsi et signum meum feci.