De legalitate et prudentia Guillelmi Extandardi, Senescalli Provincie, plenam fiduciam obtinentes, constituimus eum nuncium et procuratorem nostrum ad recipiendum homagia et fidelitates et sacramenta de parendo mandatis nostris ab hominibus Caserte et Comitatus Casertani, pro eo quod dicuntur rebellasse contra nostram Regiam Maiestatem, ponendum etiam ballivos et officiales nomine nostro in terra predicta, et ducendum etiam libere et secure Siffridinam, matrem quondam R. Comitis Casertani, et Corradum filium eiusdem Comitis Casertani, nepotem dicte Siffridine, cum eorum sociis, usque ad nostram presentiam, si volunt venire gratiose ad nostra beneplacita et mandata; ita quod de ipsis et omnibus eorum mobilibus et immobilibus possimus facere quod Nobis videbitur et placebit. Et si vellent potius sententiam juris, quod per barones et sapientes faciamus eos secundum iustitiam iudicare, et si predicti Siffridina et Corradus nollent facere aliquot predictorum, volumus et mandamus quod omnia castra que reddiderunt Curie nostre munienda, reddentur eisdem secundum conventiones quas fecerunt cum Petro de Bellomonte Camerario nostro et a Porta Roseti usque ad confinia Regni Capitaneo et Vicario Generali. Unde universis castellaniset servientibus nostris in dictis castris manentibus ... mandamus quatenus dicta castra cum omnibus rebus etc. ... ipsi Guillelmo Extandardo restituant, et omnibus aliis fidelibus nostris ... mandamus quod in predictis et in guerra facienda inimicis nostris ... obediant ... In cuius rei etc. Datum