Noverit universitas vestra quod, cum Senatus Populusque Romanus unanimiter in Senatorem Urbis[Nos] assumpserit vita nostra, Nos, volentes universos cives Romanos, velut sub nostra devotione ac regimine constitutos, gaudere nostro presidio et favore, Paulo, Iohanni et Thome de Stepheno, fratribus, filiis Iohnnis Stephani, Angelo Jacobo Scanfi, Nicholao Cutarello, Petro et BartholomeoCutarello, Petro Comte, Nicholao, Thome et Jacobo Petri Stephani, civibus Romanis, familiaribus, mercatoribus ac mutuatoribus nostris, in nostra devotione persistentibus, plenam securitatem per nostrum Regnum Sicilie, Andegavie, Provincie et Forcalquerii Comitatum, nec non per Urbem eiusque districtum aliasque terras nostri dominii, tam in personis quam rebus ... tribuimus, usque ad nostre beneplacitum voluntatis. Ita quod per Regnum etc. cum mercimoniis non prohibitis ire libere valeant et redire, salvis tamen jure pedagii et aliis que de mercimoniis ... Curie nostre debetur. Universis ... iniungentes ... ut dictis mercatoribus ... nullam ... molestiam inferant etc. Proviso quod verbo vel licteris nil ferant vel referant quod nostre sit contrarium Maiestati, et quod sub sociorum suorum specie illorum qui sunt adversarii et indevoti Romane Ecclesie ac nostri, socios et mercimonia non involvant.
Datum Rome, XXVII septembris, XII ind.