Nobilissimo viro
Henrico, filio Regis Castelle
illustris, et amico et consanguineo suo etc. Utilitatem vestram nec non et honorem vestrum principis reputantes, cum nuncios vestros
Thomam dictum "Mort de feufi"
et
Nicolaum dictum Vaquete
, milites, et hominem Dei ad Nos pro quibusdarn negotiis missi fueritis, super matrimonio quod vos scitis tractavimus cum eisdem, licet iidem exponerent coram Nobis quod voluntatem vestram in nostris manibus in hoc facto et aliis totaliter poneretis, Nos tamen ... ad vos pro facto huiusmodi predictum hominem Dei, nuncium vestrum, providimus destinare antequam super matrimonio huiusmodi cum aliquo tractaremus: et licet per eundem hominem in suo redditu vestram super hoc negotio intellexissemus plenius voluntatem, ex relatione tamen religiosi viri fratris
Guillelmi de ordine Fratrum Minorum
, qui fideliter ... retulit velle vestrum super hoc, sumus redditi certiores, et licet credamus illam dominam satis in hoc adquiessere votis nostris, tamen huiusmodi complere negotium sine patris assensu et decentibus conditionibus hinc inde firmatis utilitati et honori nostris non credimus expedire. Nos igitur, honorem vestrum et comodum totis affectibus amplectentes, ... de consilio karissimi consanguinei nostri
B. Imperatoris Constantinopolitani
illustris et quorundam consiliariorum nostrorum, ... tractari facere proponimus conditiones cum patre predicte domine, que vos deceant et Nos et alii amici nostri debeamus acceptare. Quos vero elegimus tractatores,
Nicolaus dictus Vaquete
... et homo Dei... vobis referent viva voce... Religiosus vero vir frater
Guillelmus
predictus penes Nos remansit ut, cum habuerimus certitudinem de primissis, vobis per eundem... responsionem possimus!... facere certiorem.