Triumphum michi concessum celitus de
Manfrido
hoste publico apud
Beneventum
Sanctitati vestre nuper memini meis licteris intimasse. Verumque invalescente de casu eiusdem hostis in conflictu, investigare feci in campo corpora mortuorum, pro eo etiam quod nullus memor ipsum
Manfridum
predicabat fuge auxilio ad locum aliquem pervenisse. Contigit quod die dominica XXVIII mensis februarii corpus eius inventus est nudum inter cadavera peremptorum. Ne igitur error sibi locum in tanto negotio vendicaret,
Richardo Comiti Casertano
... nec non
Iordano
et
Bartholomeo
dictis Comitibus et fratribus eorum aliisque etiam, qui eum familiariter... tractaverunt, dum vivebat, ostendi feci; qui recognoscentes ipsum, predictum esse olim
Manfridum
preter omnem dubium affirmabant. Ego itaque, naturali pietate inductus, corpus ipsum cum quadam honorificentia sepulture, non tamen ecclesiastice, tradi feci.